Árásarmaðurinn tók sitt eigið líf

Kona, sem skaut af byssu við höfuðstöðvar Youtube í San Bruno í Kaliforníu fyrr í kvöld, er látin, að því er kemur fram í frétt LA Times. Lögregluyfirvöld staðfesta að hún hafi sært fjóra áður en hún tók sitt eigið líf. Ekki er vitað um ástand hinna særðu en þeir voru fluttir á sjúkrahús til aðhlynningar.

Ekki er talið að um hryðjuverk hafi verið að ræða, en hugsanlegt er að málið tengist heimilis- eða vinnustaðaofbeldi. Rannsókn á málinu er hins vegar á byrjunarstigi og því liggja frekari upplýsingar ekki fyrir.

Frétt af mbl.is

Skotárás við höfuðstöðvar Youtube

Tilkynnt var um skothljóð og hugsanlegan byssumann við höfuðstöðvarnar fyrir tæpum tveimur klukkutímum og hefur lögregla verið með mikinn viðbúnað á svæðinu. Almenningur er beðinn um að halda sig fjarri. 

• Blogga um frétt