Sagði konu sína hafa drekkt barnfóstru

Frank Berton, lögmaður fjölskyldu Sophie Lionnet.
Frank Berton, lögmaður fjölskyldu Sophie Lionnet. AFP

Ouissem Medouni, sem er fyrir rétti ákærður fyrir að hafa ásamt sambýliskonu sinni myrt barnfóstru þeirra í London, sakaði sambýliskonuna um morðið í dag.

Hann sagði hana hafa drekkt barnfóstrunni í baðinu þeirra og hrópaði í réttarsalnum: „Þú gerðir það!“

Medouni, sem er fertugur, sneri sér að Sabrinu Kouider og sagði: „Þú settir höfuðið á henni í vatnið“.

Í framhaldinu sagði hann við kviðdóminn: „Hún er mjög sterk kona, hún er fær um gera þetta.“

Catherine Devallonne, móðir Sophie Lionnet.
Catherine Devallonne, móðir Sophie Lionnet. AFP

Medouni greindi frá því í réttarsalnum fyrr í vikunni að hann hefði reynt að lífga barnfóstruna Sophie Lionnet við áður en þau brenndu lík henn­ar. 

Koui­der er sögð hafa verið sann­færð um að Li­onn­et væri að njósna um sig fyr­ir fyrr­ver­andi kær­asta sinn Mark Walt­on, sem áður var í drengja­sveit­inni Boyzo­ne. Taldi hún Walt­on hafa heitið fóstrunni frægð og fé ef hún veitti hon­um upp­lýs­ing­ar um sig.

Li­onn­et lést í sept­em­ber í fyrra, eft­ir að parið hafði þvingað upp úr henni játn­ingu um tengsl sín við Walt­on, sem þau tóku að hluta til upp á mynd­bandið.

Dánar­or­sök Li­onn­et er ókunn vegna áverk­anna sem hlut­ust er þau Medouni og Kouider reyndu að losa sig við lík henn­ar. Rétt­ar­meina­fræðing­ar segja lík Lionnet hafa verið marið og að rifbein og bringubein hafi verið brákuð. Þá áverka hafi hún fengið ein­um og hálf­um til þrem­ur dög­um áður en hún lést.

mbl.is
FJÖLNOTAKERRUR _ STURTUKERRUR
Fjölnotakerrur, auðvelt er að koma bílum og vélum uppá, 4 til 6 metra langar. St...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
EAE Bílalyftur 2 pósta og skæralyftur 1 og 2 metra 3-4-5 tonna
Eigum á lager skæralyftur 3 tonna sem lyfta 1 m og einnig niðurfellanlegar 3 to...
Hótel til sölu á AlGarve í Portúgal.
Alls 18 vel útbúin herbergi. Ásett verð: 3.900.000 EUR Fyrirspurnir sendist á: ...