Starbucks opnar salernin

Howard Schultz, framkvæmdastjóri Starbucks.
Howard Schultz, framkvæmdastjóri Starbucks. AFP

Kaffi­hús­aris­inn Star­bucks ætlar að taka upp nýja stefnu þar sem fólk þarf ekki að kaupa eitthvað inni á stöðunum áður en það notar salerni. Ákvörðun Starbucks kemur í kjölfar þess að tveir svartir menn voru handteknir í síðasta mánuði á meðan þeir biðu eft­ir vini sín­um á einu kaffi­húsa keðjunn­ar í Fíla­delfíu.

Rekstr­ar­stjóri kaffi­húss­ins kom til mann­anna og bað þá um að fara eft­ir að þeir höfðu beðið um að fá að nota snyrt­ingu staðar­ins. Menn­irn­ir sögðu þá starfs­fólk­inu að þeir væru að bíða eft­ir vini sín­um og neituðu að yf­ir­gefa staðinn.

Lög­reglu­stjór­inn í Fíla­delfíu seg­ir lög­reglu­menn­ina hafa verið í rétti til að hand­taka menn­ina þar sem starfs­fólk staðar­ins hafi sagt þeim að menn­irn­ir væru þar í óleyfi. For­stjóri Star­bucks seg­ir að ekki hafi átt að kalla til lög­reglu vegna þessa máls. 

„Við viljum ekki verða almenningssalerni. Við ætlum hins vegar alltaf að taka rétta ákvörðun og afhenda fólki lykilinn,“ sagði Howard Schultz, framkvæmdastjóri Starbucks.

„Allir eru velkomnir á Starbucks,“ bætti hann við.

Starbucks.
Starbucks. AFP
mbl.is

Bloggað um fréttina

RAFVIRKI
ALHLIÐA RAFLAGNIR EKKERT VERKEFNI ER OF SMÁTT Haukur Emilsson Simi 853 1199...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
byggingu og endurnýjun verk
Ég mun gera allar minniháttar byggingar og endurbætur. Skrifaðu tölvupóstfang r....
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...