Bandaríkin hafa ítrekað að þau vilji að fundur Donalds Trump Bandaríkjaforseta og Kims Jong-un, leiðtoga Norður-Kóreu, verði haldinn. Norðurkóresk stjórnvöld hafa hótað því að hætta við fundinn.
Sameiginlegar heræfingar Bandaríkjanna og Suður-Kóreu fóru fyrir brjóstið á N-Kóreumönnum.
„Ef Norður-Kórea vill hitta okkur, þá mætum við á staðinn,“ sagði Sarah Sanders, upplýsingafulltrúi Hvíta hússins.
„Forsetinn er tilbúinn og við verðum einnig tilbúin. Við munum halda áfram að vinna að undirbúningi fundarins.“
Leiðtogafundurinn á að fara fram 12. júní og er hans beðið með mikilli eftirvæntingu.