Dæmdir fyrir íkveikju í bænahúsi

Lögregla að störfum við bænahús gyðinga í Gautaborg í desember.
Lögregla að störfum við bænahús gyðinga í Gautaborg í desember. AFP

Þrír ungir menn voru í dag dæmdir í fangelsi fyrir að hafa kastað bensínsprengju inn í bænahús gyðinga í Gautaborg í desember. Tveir þeirra voru dæmdir í tveggja ára fangelsi en sá þriðji, sem er 19 ára, var dæmdur í 15 mánaða fangelsi.

Mennirnir eru 24 ára, 22 ára og 19 ára. Sá sem er 22 ára var jafnframt dæmdur fyrir ítrekuð brot á umferðarlögum og verður honum vísað úr landi að lokinni afplánun. Tveir mannanna eru frá Palestínu en sá þriðji er Sýrlendingur. Við réttarhöldin kom fram að ástæðan fyrir því að þeir kveiktu í bænahúsinu var að hefna fyrir átök milli Ísraela og Palestínumanna, segir í frétt Dagens Nyheter.

Saksóknari hafði farið fram á að mennirnir yrðu dæmdir í átta ára fangelsi. Mennirnir neituðu allir sök í upphafi en það þótti sýnt með óyggjandi hætti að þeir hefðu verið á staðnum og fannst sími þess yngsta við bænahúsið. 

Árásin var gerð þremur dögum eftir að Donald Trump, forseti Bandaríkjanna, viðurkenndi Jerúsalem sem höfuðborg Ísraels, og var þeirri ákvörðun mótmælt víða um heim í kjölfarið.

Allan Stutzinsky, sem stýrir samtökum gyðinga í Svíþjóð, segir að árásum á gyðinga hafi fjölgað mjög í Svíþjóð og hatur í þeirra garð aukist. 

mbl.is
STIGAR OG HANDRIÐ ALLAR MÖGULEGAR GERÐIR
Hagstæð verð, sjá meðal annars: http://www.youtube.com/watch?v=73dIQgOl2JQ...
Til sölu á Jótlandi, íbúð + iðnaður
Mikið pláss 1268 m/2 á 3000 m/2 lóð, m.a. 300 m/2 íbúð, stórt rafmagnsinntak. Ým...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...