Trump forðast mótmælendur

Donald Trump.
Donald Trump. AFP

Donald Trump Bandaríkjaforseti mun að mestu leyti forðast London þegar hann kemur til Bretlands í opinbera heimsókn í næstu viku. Forsetinn mun bæði hitta Theresu May forsætisráðherra og Elísabetu drottningu.

Verður þetta fyrsta heimsókn Trump til Bretlands síðan hann tók við embætti forseta í janúar 2017. Sendiherra Bandaríkjanna í Bretlandi, Woody Johnson, segir að rætt verði um mögulegan tvíhliða viðskiptasamning ríkjanna eftir að Bretland gengur úr Evrópusambandinu.

Trump mun aðeins dvelja eina nótt í London en þar hefur verið boðað til fjöldamótmæla vegna heimsóknar hans. Nú hafa rúmlega 50 þúsund manns boðað komu sína á mótmælin.

Skipuleggjendur mótmælanna vilja láta í ljós óánægju sína með stefnu Trump í innflytjendamálum.

Trump ætlar að eyða helginni í Skotlandi en móðir forsetans fæddist á skoskri eyju. Með forsetanum í för verður Melania Trump forsetafrú.

mbl.is
4949 skart hálfesti og armband
Er með nokkrar hálsfestar og armbönd úr 4949 línunni til sölu hægt að skoða inná...
EIGUM ALLSKONAR STIGA Á LAGER
Sjá fjölmargar gerðir á: http://www.sogem-sa.com/stairs Sími 615 1750 Sjá einni...
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Varstu í bústað, ólykt eftir vetur, viltu eyða
Varstu í bústaðnum, var ólykt / fúkkalykt eftir veturinn, viltu eyða, hér er lau...