Sala Nike eykst þvert á spár
Setja bókamerki
Allt lítur út fyrir það að sala íþróttavöruframleiðandans Nike hafi aukist í kjölfar umdeildrar auglýsingaherferðar sem farið var af stað með við upphaf leiktímabils bandarísku NFL-deildarinnar í síðustu viku. Að sögn rannsóknarfyrirtækisins Edison Trends jókst netverslun hjá Nike um 31% um verkalýðshelgina þegar auglýsingin með Colin Kaepernick var frumsýnd. BBC greinir frá.
Kaepernick, fyrrverandi leikmaður San Francisco 49ers, olli miklu fjaðrafoki árið 2016 þegar hann kraup á meðan þjóðsöngurinn var leikinn og neitaði að standa með hendur á brjósti, líkt og hefð er fyrir, til að mótmæla lögregluofbeldi og kynþáttamisrétti. Hann hefur ekki leikið í NFL-deildinni síðan snemma á síðasta ári og hefur lögsótt eigendur liða í deildinni fyrir að sniðganga hann.
Aukin sala Nike kemur gagnrýnendum líklega í opna skjöldu, en Donald Trump Bandaríkjaforseti réðist gegn íþróttarisanum í kjölfar frumsýningar auglýsingaherferðarinnar. Áður hafði hann kallað þá sem krjúpa yfir þjóðsöngnum „tíkarsyni“ og hvatt til þess að þeir yrðu reknir. Þá hafa margir sagst ætla að sniðganga Nike og jafnvel brennt vörur frá framleiðandanum, auk þess sem myllumerkin #JustBurnIt og #BoycottNike fóru hátt á Twitter.
Samkvæmt Edison Trends jókst netverslun Nike 2. til 4. september, sem er verkalýðsdagur Bandaríkjamanna, um 31%. Salan jókst um 17% á sama tíma í fyrra.
„Höfum ekki náð að skríða upp úr þeirri gryfju“
Handteknir eftir myndatöku í Vesturbæjarlaug
Skar höfuðleðrið af íslenskri konu
Eyjafjarðarbraut lokað vegna alvarlegs umferðarslyss
„Umsátursástand“
Væri að ljúga ef ég segðist ekki stressaður
Skemmtiferðaskip hætt komið nærri Viðey
/frimg/1/48/74/1487454.jpg)
Heldur inn í nóttina tuttugu kílóum léttari