Yngsta milljarðamæringi Afríku rænt

Mohammed Dewji er eini milljarðarmæringur Tansaníu og sá yngsti í ...
Mohammed Dewji er eini milljarðarmæringur Tansaníu og sá yngsti í Afríku. Honum var rænt af vopnuðum mönnum. AFP

Mohammed Dewji, sem talinn er vera yngsti milljarðamæringur Afríku, var rænt af grímuklæddum og vopnuðum mönnum í borginni Dar es Salaam í Tansaníu.

BBC segir Dewji, sem er 43 ára, hafa verið rænt fyrir utan líkamsræktarstöð lúxusshótels er hann var á leið á æfingu.

Þrír hafa verið handteknir í tengslum við málið, en lögregluyfirvöld í Tansaníu segja að talið sé að tveir mannræningjanna  séu erlendir ríkisborgarar.

Ekki liggur fyrir hvers vegna Dewji var rænt, en Forbes tímaritið metur hann á 1,5 milljarða dollara og hefur sagt hann vera eina milljarðamæring Tansaníu.

Í skýrslu sem kom út í fyrra var hann sagður yngsti milljarðamæringur Afríku, en árið 2016 hét hann því að gefa helming auðæfa sinna til mannúðarmála.

Fyrirtæki hans MeTL, sem áður var heildsala í eigu fjölskyldu hans, á hlut í textílframleiðslu, hveitimölun og framleiðslu á matarolíum og drykkjum í að minnsta kosti sex Afríkuríkjum.

Dewji var staddur í efnamannahverfinu Oysterbay er honum var rænt og skutu mannræningjarnir nokkrum byssuskotum upp í loftið áður en þeir óku á brott með hann, að því er BBC hefur eftir sjónarvottum.

Dewji sem er iðinn við að stunda líkamsrækt var ekki með neina öryggisverði með sér og hafði sjálfur ekið bíl sínum í ræktina, að því er lögreglustjóri Dar es Salaam greinir frá.

mbl.is
Rafstöðvar DEK 30 KW 400/230 50 HZ Deutz 50 kw
Rafstöðvar varafl , 30 kw og 50 kw ,útvegum allar stærðir.Verð frá 990þ +vsk Vi...
Ný jólaskeið frá ERNU fyrir 2018 komin.
Kíkið á nýju skeiðina á -erna.is-. Hún er hönnuð af Raghildi Sif Reynisdóttur og...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Múrverk
Múrverk...