Fjórir handteknir vegna hópnauðgunar

Lögreglan í Frakklandi hefur handtekið fjóra menn sem eru grunaðir um hópnauðgun gagnvart 19 ára gamalli stúlku fyrir utan næturklúbb í úthverfi borgarinnar Toulose. Myndskeið af nauðguninni var dreift á Snapchat og Twitter. Tæpur mánuður er liðinn frá árásinni og hefur mannanna verið leitað síðan.

Frétt af mbl.is

Fjögurra leitað vegna hópnauðgunar

Lögreglunni var gert viðvart eftir að stafrænt eftirlitskerfi franska innanríkisráðuneytisins nam dreifingu myndskeiðsins á samfélagsmiðlum. Marg­ir not­end­ur á Twitter sögðust bera kennsl á menn­ina.

Fórn­ar­lamb nauðgun­ar­inn­ar steig fram eft­ir að hún komst að því að mynd­bönd­in væru í dreif­ingu á sam­fé­lags­miðlum. Hún greindi frá því í út­varps­viðtali að mynd­skeiðin myndu fylgja henni alla ævi.

Frétt af mbl.is

Rannsaka hrottalegt ofbeldi

Mynd­skeiðunum hefur verið eytt af inn­an­rík­is­ráðuneyti Frakk­lands, sem hef­ur einnig biðlað til fólks um að setja þau ekki aft­ur í dreif­ingu.

Fólk sem deildi myndskeiðinu getur átt yfir höfði sér allt að fimm ára fangelsisdóm ef það verður sótt til saka. Þeir sem tóku upp myndskeiðin geta einnig átt von á ákæru fyrir hlutdeild að árásinni.

• Blogga um frétt