Funda sennilega ekki í París
Trump og Pútín á fundi þeirra í Helsinki í sumar. Ólíklegt er að þeir muni funda sérstaklega í París á laugardaginn.
AFP
Setja bókamerki
Donald Trump Bandaríkjaforseti sagði í dag að sennilega myndi hann ekki eiga fund með Vladimír Pútín Rússlandsforseta er þeir verða báðir staddir í París á minningarathöfn um fyrri heimsstyrjöldina, næsta laugardag.
„Ég er ekki viss hvort við munum funda í París, sennilega ekki,“ sagði Trump í dag, en bætti svo við að forsetarnir tveir myndu hittast á G20-fundinum sem fram fer í Argentínu í enda þessa mánaðar.
Talið hafði verið líklegt að þeir Trump og Pútín myndu setjast niður til fundar í París, en John Bolton þjóðaröryggisráðgjafi Trumps sagði í heimsókn sinni í Moskvu á dögunum að Trump langaði að funda með Pútín í París og Pútín sjálfur sagðist hafa áhuga á því.
Handteknir eftir myndatöku í Vesturbæjarlaug
„Höfum ekki náð að skríða upp úr þeirri gryfju“
Banna mengandi búnað sem leyfður er á Íslandi
Shakespeare fannst í skókassa
Vélsleðaslys: Þyrlan kölluð út á mesta forgangi
Tveir í bílnum sem lenti utan vegar
Telur forsendur fyrir vaxtalækkun
Skiptir miklu meira máli en fólk grunar