Theresa May, forsætisráðherra Bretlands, segir að ríkisstjórn hennar „leggi mjög hart að sér“ í samningaviðræðum vegna útgöngu Breta úr Evrópusambandinu, Brexit.

„Samningaviðræður vegna útgöngu okkur eru á endasprettinum,“ sagði May á viðburði sem var haldinn í fjármálahverfinu í London. „Og við erum að leggja mjög hart að okkur, langt fram á nótt, til að ná samkomulagi í þeim atriðum sem ósamið er um, sem eru mjög mikilvæg,“ sagði hún.

May vonast til að samkomulag náist fyrir lok nóvember.

Spenna hefur aukist vegna þess að möguleiki er á að Bretland gangi út úr ESB í mars án þess að samkomulag náist við sambandið.

Fundarhöld fóru fram í Brussel í gær vegna Brexit en þau skiluðu litlu. 

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt