Nauert taki við af Haley hjá Sameinuðu þjóðunum

Heather Nauert talsmaður bandaríska utanríkisráðuneytisins er sögð taka við af ...
Heather Nauert talsmaður bandaríska utanríkisráðuneytisins er sögð taka við af Nikki Haley hjá Sameinuðu þjóðunum um áramótin. AFP

Heather Nauert talsmaður bandaríska utanríkisráðuneytisins mun taka við stöðu fastafulltrúa Bandaríkjanna hjá Sameinuðu þjóðunum þegar Nikki Haley hættir um áramótin. Þetta fullyrða bandarískir fjölmiðlar, m.a. fréttastofa Fox-sjónvarpsstöðvarinnar þar sem Nauert starfaði um tíma.

Er Donald Trump Bandaríkjaforseti sagður munu kynna þessa ráðningu sína í dag á Twitter, en Nauert hefur gegnt starfi talsmanns utanríkisráðuneytisins frá því í apríl 2017 og er það hennar fyrsta starf innan bandaríska stjórnkerfisins.

Bloomberg-fréttaveitan segir val Trump á Nauert í starfið vera óvenjulegt þar sem hún hafi haft litla reynslu af störfum innan stjórnsýslunnar eða af utanríkismálum áður en hún hóf störf hjá ráðuneytinu, sem ekki hefur tjáð sig um fréttirnar.

Bandaríska þingið mun þurfa að samþykkja skipan Nauert sem fastafulltrúa.

Haley tilkynnti í október sl. að hún myndi láta af störfum í lok árs og hafa verið vangaveltur uppi um að hún ætli að bjóða sig fram sem forseta. Haley hefur hins vegar alfarið hafnað slíkum fullyrðingum.

mbl.is
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
Bækurnar að vestan slá í gegn!
Hvaða nýju bækur skyldu þetta nú vera? Brautryðjendur fyrir vestan, Að fortíð s...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...