Borgarstjóri New York vill verða forseti

„Það þarf að stöðva Donald Trump. Ég er Bill de ...
„Það þarf að stöðva Donald Trump. Ég er Bill de Blasio og ég býð mig fram til forseta,“ segir borgarstjóri New York sem tilkynnti í morgun um framboð sitt í forvali Demókrataflokksins fyrir forsetakosningarnar á næsta ári. AFP

Bill de Blasio, borgarstjóri í New York, ætlar að sækjast eftir útnefningu demókrata fyrir forsetakosningarnar á næsta ári. Frá þessu greindi hann í morgun.

„Það þarf að stöðva Donald Trump. Ég er Bill de Blasio og ég býð mig fram til forseta þar sem það er tími til kominn til að setja málefni verkafólks í forgang,“ segir De Blasio í myndskeiði þar sem hann tilkynnir framboð sitt.

De Blasio bætist í hóp 22 sem hafa þegar sóst eftir forsetatilnefningu Demókrataflokksins og því stefnir í langfjölmennasta forval í sögu flokksins.

Í framboðsmyndskeiðinu fer De Blasio yfir nokkur mál sem hann hefur unnið að sem borgarstjóri, svo sem hærri lágmarkslaun, bætta heilbrigðisþjónustu og að greiða fólki laun í veikindum.

De Blasio segist sannfærður um að hann eigi besta möguleika af frambjóðendum Demókrataflokksins til að steypa Trump af stóli. De Blasio segir fjármagn Bandaríkjanna vera í röngum höndum og því vilji hann breyta.


mbl.is
Uppsetning rafhleðslustöðva
Setjum upp og göngum frá öllum gerðum rafhleðslustöðva Mikil áralöng reynsla ...
KERRUR TIL AFGREIÐSLU SAMDÆGURS
Sterku HULCO fjölnotakerrurnar, myndir á bland.is og á Facebook = Magnus Elias /...
Tæki fyrir fjórhjólið
Fjölmörg tæki í boði fyrir fjórhjólið www.hardskafi.is...
Sumarhús- Gestahús- Breytingar
Sumarhús - Gestahús - Breytingar ? Framleiðum stórglæsileg sumarhús í ýmsum stær...