Dróni Bandaríkjahers sem var skotinn niður af írönskum yfirvöldum í síðustu viku var innan lofthelgi Írans, segir yfirmaður þjóðaröryggisráðs Rússlands. Þetta gengur þvert á það sem bandarísk yfirvöld halda fram.

„Ég er með upplýsingar um það frá varnarmálaráðuneyti Rússlands að dróninn hafi verið í íranskri lofthelgi,“ hafa rússneskar fréttastofur eftir Nikolai Patrushev en hann ræddi við fréttamenn í Jerúsalem í morgun. Hann er þar á fundi með bandarískum og ísraelskum embættismennum.

Mikil spenna er í samskiptum Bandaríkjanna og Íran og mátti litlu muna að Bandaríkin gerðu loftárásir á Íran eftir að dróninn var skotinn niður.

Írönsk yfirvöld halda því fram að dróninn hafi rofið íranska lofthelgi við Hormuz-sund en varnarmálaráðuneyti Bandaríkjanna neitar að hann hafi farið yfir á yfirráðasvæði Írana. 

Tengdar fréttir

Íran

Leiðtogar G7-ríkjanna funda vegna árásarinnar

• Ísland fordæmir árásina
• Skutu 300 drónum og flugskeytum
• Árásirnar í Írak og Sýrlandi bara „upphafið“
• Hyggja á röð árása í Írak og Sýrlandi

» Fleiri tengdar fréttir

• Blogga um frétt