Trump fellur frá spurningu um ríkisborgararétt
Setja bókamerki
Donald Trump Bandaríkjaforseti hefur fallið frá þeirri kröfu að spurt verði um ríkisborgararétt í manntali sem fram á að fara í Bandaríkjunum á næsta ári. Þess í stað gaf Trump út sérstaka forsetatilskipun sem kveður á um að alríkisstofnunum verði gert að skrá þjóðerni þess fólks sem þær eiga í samskiptum við og koma þeim upplýsingum svo áfram til yfirvalda.
Hæstiréttur úrskurðaði í síðasta mánuði að bann væri lagt við spurningunni um ríkisborgararétt í manntalinu.
Gagnrýnendur hafa sagt spurninguna runna af pólitískum rótum og að hún myndi leiða til þess að færri heimili innflytjenda myndu svara spurningalistunum. Stjórn Trump hefur aftur á móti fullyrt að slík spurning myndi styrkja stöðu þeirra kjósenda sem tilheyra minnihlutahópum.
„Við erum ekki hætt við þá áætlun að komast að því hver ríkisborgarastaða íbúa Bandaríkjanna er,“ sagði Trump í gær. Nýja forsetatilskipunin muni leggja þá skyldu á alríkisstofnanir að þær afhendi gögn varðandi ríkisborgararétt.
„Með forsetatilskipuninni í dag getum við tryggt að manntalið 2020 gefi rétta mynd af því hve margir íbúar Bandaríkjana eru ríkisborgarar landsins, hverjir eru það ekki eða eru ólöglegir innflytjendur,“ sagði forsetinn.
Eyjafjarðarbraut lokað vegna alvarlegs umferðarslyss
Tveir í bílnum sem lenti utan vegar
„Það þarf að vinna mikinn fjölda upp“
„Höfum ekki náð að skríða upp úr þeirri gryfju“
„Hvílir mikil leynd yfir þessu öllu“
/frimg/1/48/74/1487454.jpg)
Heldur inn í nóttina tuttugu kílóum léttari
Banna mengandi búnað sem leyfður er á Íslandi