Stefnir Belgíu vegna þriðja orkupakkans

Evrópudómstóllinn í Lúxemborg.
Evrópudómstóllinn í Lúxemborg. Ljósmynd/Wikipedia.org

Framkvæmdastjórn Evrópusambandsins (ESB) hefur stefnt ríkisstjórn Belgíu fyrir Evrópudómstólnum fyrir að hafa ekki innleitt reglugerðir um raforku og gas á réttan hátt. Reglugerðirnar eru hluti af þriðja orkupakkanum.

Þetta kemur fram á vefsvæði framkvæmdastjórnar ESB.

Ríkisstjórn Belgíu hefur ekki afsalað valdi sínu til að taka bindandi ákvarðanir um raforku og gas til eftirlitsstofnana þar í landi. Eftirlitsstofnanir hafa eins og stendur einungis heimild til að leggja til lagabreytingar en ríkisstjórn Belgíu er ekki bundin af þeim tillögum.

Þá eru ákvarðanir um að tengja raforku- og gaskerfi Belgíu við sameiginlegan orkumarkað ESB teknar af ríkisstjórninni en ekki eftirlitsstofnunum líkt og reglugerðir ESB segja til um.

Framkvæmdastjórn ESB hóf málið í október árið 2014 með formlegu skeyti til ríkisstjórnar Belgíu. Ekki hefur verið brugðist við tilmælum sem þar komu fram enn sem komið er og hefur framkvæmdastjórnin því ákveðið að höfða mál gegn Belgíu.

mbl.is
Rafknúinn lyftihægindastól
Til sölu rafknúinn lyftihægindastól frá Eirberg kostar nýr 124 þ Upplýsingar au...
Til leigu - íbúð við Löngumýri,Garðabæ
Til leigu 3ja herb. íbúð, laus frá 1. september nk. Leigist aðeins reyklausum o...
Gæjalegur retro leðursófi frá Casa til sölu
Til sölu hvítur, ítalskur 3ja sæta hönnunarsófi. Keyptur í versluninni Casa og k...
Infrarauðir Hitalampar fyrir allskyns verki 300w
Stórkostleg jákvæð áhrif á gikt, eykur virkni ýmissa ensíma sem bæta blóðrás og ...