Macron dragi ummæli sín til baka

Jair Bolsonaro, forseti Brasilíu, segist vera tilbúinn til að ræða um fjárstuðning frá G7-ríkjunum til að berjast gegn skógareldum í Amazon, ef Emannuel Macron, Frakklandsforseti, „dregur móðandi ummæli sín til baka” í hans garð.

Frétt af mbl.is

Brasilía hafnar boði G7 um fjárstuðning

„Ef við ætlum að tala við eða taka við einhverju frá Frökkum, þar sem góður hugur liggur að baki, þá verður hann [Macron] að draga þessi orð sín til baka. Í framhaldinu getum við rætt málin,” sagði Bolsonaro við blaðamenn.

Emmanuel Macron, forseti Frakklands. AFP

BBC segir brasilíska ráðamenn ekki hafa gefið neina skýringu á að hafna fjárstuðningnum en Bolsonaro hefur sakað Frakka um að koma fram við Brasilíu eins og nýlenduríki. Onyx Lor­enzoni, starfs­manna­stjóri Bol­son­aro, tjáði sig við Glo­bo-vefsíðuna um fjár­gjöf­ina. „Takk, en kannski þess­um fjár­mun­um verði bet­ur varið til að græða upp skóga Evr­ópu,“ sagði hann.

Macron gagnrýndi brasilíska forsetann harkalega í gær vegna ummæla Bolsonaro í garð eiginkonu hans, Brigitte Macron.

Frétt af mbl.is

„Ótrúlega dónaleg“ ummæli

Miklir skógareldar hafa geisað í Brasilíu. AFP

• Blogga um frétt