Trump segir fundinn með Modi „sögulegan“
Setja bókamerki
Donald Trump Bandaríkjaforseti og Narendra Modi, forsætisráðherra Indlands, skiptust á hlýjum orðum á fjöldafundi sem haldinn var í Texas í tilefni af opinberri heimsókn Modi til Bandaríkjanna.
Um 50.000 manns mættu á fundinn sem haldinn var í gærkvöldið í Houston undir heitinu „Howdy, Modi!“ og er sagður ein stærsta móttaka sem erlendur þjóðarleiðtogi hefur fengið í Bandaríkjunum.
Sjálfur sagði Trump um „ákaflega sögulegan fund“ að ræða.
„Ég er svo ánægður að vera hér í Texas með einum af bestu, hollustu og traustustu vinum Bandaríkjanna,“ sagði Trump við áhorfendur. Sjálfur sagði Modi Indland eiga „sannan vin“ í Hvíta húsinu og lýsti Trump sem „hlýjum, vingjarnlegum, orkumiklum og fyndnum“.
„Frá forstjóra að forseta, frá fundarherbergjum til forsetaskrifstofu, frá kvikmyndaverum að heimssviðinu...þá hefur hann skilið eftir varanleg ummerki alls staðar,“ sagði Modi.
BBC segir Modi, sem mun sitja fundi á allsherjarþingi Sameinuðu þjóðanna í New York í vikunni, þó líklega fá öllu kuldalegri móttökur þar. Líklegt verði að telja að hann sæti þar gagnrýni vegna vaxandi spennu milli Indlands og Pakistans vegna Kasmír, sem Modi svipti ákveðnum réttindum í síðasta mánuði og hét um leið að endurreisa héraðið til sinnar „fyrri frægðar“.
Banna mengandi búnað sem leyfður er á Íslandi
Gígbarmurinn hækkað frá því í gær
Vonast til að tjaldbúðir við HÍ standi áfram
Nemendur í HÍ reistu tjaldbúðir án leyfis
Hvorki sést áður hér á landi né annars staðar
Strand skemmtiferðaskips kallar á erlenda aðstoð
Bergnuminn í Hvalfirði
Krefjast stöðvunar framkvæmda