Trump afhendi skattframtöl 8 ár aftur í tímann
Setja bókamerki
Endurskoðunarfyrirtæki sem hefur séð um skattframtöl Donalds Trump Bandaríkjaforseta ber að afhenda þau saksóknara á Manhattan átta ár aftur í tímann. Þetta er niðurstaða áfrýjunarrétts í New York sem kvað upp úrskurð sinn í dag. New York Times greinir frá.
Trump hefur ítrekað hafnað því að gera skattframtöl sín opinber eins og forverar hans á forsetastóli hafa gert undanfarna áratugi.
Í síðasta mánuði gaf alríkisdómstóll saksóknara heimild til að nálgast skattframtölin. Tilgangurinn er að kanna hvort lög hafi verið brotin þegar Michael Cohen, fyrrverandi lögmaður Trumps, greiddi klámmyndaleikkonunni Stormy Daniels háar fjárupphæðir fyrir hönd forsetans.
/frimg/1/16/30/1163012.jpg)
/frimg/1/6/27/1062780.jpg)
Lögmenn Trump færðu rök fyrir því að aðgangur að skattframtölum hans væri óheimill sökum friðhelgis hans sem forseta. Dómari hafnaði því og sagði forseta Bandaríkjanna ekki vera undanþeginn rannsóknum um möguleg glæpsamleg athæfi.
Dómararnir þrír sem kváðu upp dóminn í dag tóku hins vegar ekki afstöðu til mögulegs friðhelgi forsetans. Það skipti ekki máli þar sem endurskoðunarfyritækinu er stefnt, ekki forsetanum.
„Umsátursástand“
Shakespeare fannst í skókassa
Kostnaður meiri en milljón á fermetra
Væri að ljúga ef ég segðist ekki stressaður
Telur forsendur fyrir vaxtalækkun
Hvorki sést áður hér á landi né annars staðar