Lögreglan í London leitar manna sem grunaðir eru um að hafa ráðist á Jonathan Mok, karlmann frá Singapúr, í lok febrúar. Ástæða árásinnar er sögð rasísk og tengd kórónuveirunni sem á upptök sín í Kína.
Mok greindi frá því að hann hefði verið á gangi í miðborg London þegar þegar hann heyrði fólk kalla „kórónuveira“ fyrir aftan hann.
Hann sneri sér við og þá réðust þrír eða fjórir ungir menn og kona á hann.
Lögreglan birti mynd af fjórum mönnum sem hún telur líklega árásarmenn.
„Ég skil ekki hvers vegna það er ráðist á einhvern eingöngu af því að viðkomandi er öðruvísi á litinn en þú,“ sagði Mok við BBC.
Hann er líklega með brotið kinnbein eftir árásina og þarf að fara í aðgerð.