Trump loks með grímu og nýtt smitmet
Setja bókamerki
Enn einn daginn eru staðfest kórónuveirusmit í Bandaríkjunum fleiri en 60 þúsund talsins. Nýtt met var slegið í gær, 66.528 ný staðfest smit en alls hafa rúmlega 3,2 milljónir Bandaríkjamanna smitast, svo staðfest er, af kórónuveirunni. Af þeim eru tæplega 135 þúsund látin.
Forseti landsins, Donald Trump, sást í fyrsta skipti með grímu í gær en undanfarnar vikur hafa aðrir landsmenn þurft að bera slíka grímu á almannafæri. Síðustu fimm daga hafa staðfest smit verið fleiri en 60 þúsund talsins.
Trump heimsótti særða hermenn á Walter Reed sjúkrahúsinu í úthverfi Washington í gær og var með svarta grímu merkta forsetaembættinu, þar sem hann gekk í gegnum sjúkrahúsið. Samkvæmt fréttum bandarískra fjölmiðla undanfarna daga hafði aðstoðarfólk hans grátbeðið hann um að sýna gott fordæmi og bera andlitsgrímu á almannafæri.
Eitt þeirra ríkja þar sem nýjum smitum fjölgaði í gær er Flórída en þann sama dag opnaði Disney World tvo af fjórum skemmtigörðum sínum í Orlando. Alls voru skráð 10.360 ný smit í Flórída og 95 dauðsföll í gær af völdum COVID-19.
Gestir urðu að kaupa miða fyrirfram þannig að stjórnendur Disney gátu stýrt aðsókninni og eins var mælt með því að fjarlægðarmörk væru virt. Eins voru gestir beðnir um að fara í hitamælingu og alls staðar var hægt að nálgast sóttvarnaefni.
„Höfum ekki náð að skríða upp úr þeirri gryfju“
„Hvílir mikil leynd yfir þessu öllu“
Telur forsendur fyrir vaxtalækkun
Gígbarmurinn hækkað frá því í gær
/frimg/1/48/74/1487454.jpg)
Heldur inn í nóttina tuttugu kílóum léttari
Tveir í bílnum sem lenti utan vegar
Skar höfuðleðrið af íslenskri konu