McDonald's kærir fyrrverandi framkvæmdastjóra

Skyndibitakeðjan McDonald's hefur nú kært fyrrverandi framkvæmdastjóra fyrirtækisins, Steve Easterbrook, fyrir að ljúga til um kynferðislegt samband sitt við aðra starfsmenn fyrirtækisins. 

Easterbrook var sagt upp störfum á síðasta ári eftir að í ljós kom að hann hafi átt í kynferðislegu sambandi við starfsmann. 

Frétt af mbl.is

Forstjóra McDonalds vikið úr starfi vegna sambands

Fram kemur á vef BBC að tilefni ákærunnar sé að Easterbrook hafi logið til um sambandið við stjórn félagsins, eyðilagt sönnunargögn og átt í nánu sambandi við þrjá aðra starfsmenn, en stjórn fyrirtækisins hóf að nýju rannsókn á málinu eftir að starfsmaður fyrirtækisins gaf skýrslu um samband Easterbrook við fleiri starfsmenn. 

McDonald's fer fram á að sú upphæð sem Easterbrook fékk greidda við starfslok sín verði endurgreidd, en talið er að upphæðin hafi verið í kringum 40 milljón Bandaríkjadollara, tæplega fimm og hálfan milljarð króna. 

Steve Easterbrook, fyrrverandi framkvæmdastjóri McDonalds. AFP

• Blogga um frétt