Joe Biden, verðandi Bandaríkjaforseti, mun kynna fyrstu ráðherra nýrrar ríkisstjórnar á þriðjudag. Þetta staðfesti starfsmannastjóri Bidens, Ron Klain, í viðtali á sjónvarpsstöðinni ABC fyrr í dag.
„Fyrstu ráðherrarnir verða kynntir á þriðjudag. Ef þið viljið fá að vita í hvaða stöður er verið að ráða verðið þið að bíða eftir því að Biden tilkynni það á þriðjudag,“ sagði Ron Klain.
Donald Trump, sitjandi forseti Bandaríkjanna, tjáði sig um málið á Twitter í morgun. Sagðist hann undrast mjög hversu hratt Biden væri að reyna að skipa nýja ríkisstjórn. Þá sakaði hann Biden um kosningasvindl þar sem fjölmörg atkvæði Biden í hag hefðu í raun verið ólögleg.
Why is Joe Biden so quickly forming a Cabinet when my investigators have found hundreds of thousands of fraudulent votes, enough to “flip” at least four States, which in turn is more than enough to win the Election? Hopefully the Courts and/or Legislatures will have....
— Donald J. Trump (@realDonaldTrump) November 22, 2020