Rúmlega 60 manns voru handteknir í tengslum við mótmæli gegn sóttvarnareglum í Lundúnum í dag. Þetta kemur fram í twitterfærslu frá lögreglu Lundúnaborgar.

Að sögn lögreglunnar voru einhverjir teknir höndum vegna brota á sóttvarnareglum, en meira en þúsund manns voru samankomnir við Marble Arch á Oxford-stræti. Fjöldi handtekinna mun líklega hækka þegar líður á kvöldið, er segir í færslunni, en lögreglan hvetur mótmælendur til að fara heim.

Útgöngubann er enn í gildi í Englandi, en því lýkur í næstu viku. Þá tekur við svokallað þrepakerfi (tier-system) líkt því sem var í gildi áður en útgöngubannið hófst í byrjun nóvember. Greint hefur verið frá því að Lundúnaborg muni falla í annað þrep en fjöldi borga í norðurhluta Englands í það þriðja.

Meira en 60 mann hafa verið handteknir í tengslum við mótmælin. AFP

Tengdar fréttir

Kórónuveiran Covid-19

Rétti barni sínu frekar sígarettur en iPad

• Eitt bóluefni verður í boði gegn covid-19 í vetur
• Varar við fleiri tilfellum í vetur
• Bóluefni hafi fækkað dauðsföllum
• Engin ein skýring á niðursveiflu

» Fleiri tengdar fréttir

• Blogga um frétt