Fimmtán ára tékkneskur piltur lifði í dag af fall af nítjándu hæð í fjölbýlishúsi í höfuðborginni Prag.
Að sögn tékkneskra fjölmiðla varð piltinum það til happs að að hann lenti ofan á þaki sem var yfir inngangi hússins.
„Við vorum kölluð á staðinn vegna falls manneskju, líklega af nítjándu hæð,“ sagði talsmaður lögreglunnar, Eva Kropacova.
Pilturinn var fluttur á sjúkrahús með alvarleg höfuðmeiðsli og meiðsli á mjaðmargrind og er honum haldið sofandi.
Að sögn Kropacova rannsakar lögreglan hvað varð til þess að pilturinn féll til jarðar.