Tveir hælisleitendur brunnu inni er eldur kom upp í vöruhúsi í úthverfi Barcelona í gærkvöldi. Um 200 hælisleitendur höfðu komið sér fyrir í vöruhúsinu og bjuggu þar við ömurlegar aðstæður. Sautján eru slasaðir eftir eldsvoðann og tveir þeirra eru í lífshættu.
Eldurinn kviknaði um níuleytið í gærkvöldi í vöruhúsi í iðnaðarhverfi Badalona, sem er úthverfi Barcelona. Samkvæmt upplýsingum frá yfirvöldum í Badalona bjuggu þar um 200 hælisleitendur.
Slökkviliðsmenn fundu tvö lík inni í vöruhúsinu en margir íbúanna sluppu út úr logandi húsinu í gegnum glugga á bakhlið þess og flúðu af vettvangi. Bæjarstjórinn í Badalona, Xavier Garcia Albiol, telur að yfir 100 hafi flúið af vettvangi en slökkviliðið bjargaði um 60 manns út úr brennandi húsinu.
Una gran pena, tener que llegar a esta situación.#Badalona #RecuperemosCataluña pic.twitter.com/xVOdHSeGcp
— VOX Badalona (@VoxBadalona_) December 10, 2020
Myndir sjónvarpsstöðva sýndu alelda húsið þar sem fólk hékk út um glugga þess í þeirri von að sleppa undan logandi eldtungum. Nokkrir slösuðust við að stökkva út um glugga.
Enn er unnið að slökkvistarfi.
Lamentamos comunicar que ya han sido localizadas dos víctimas mortales en la nave del Gorg. El incendio está controlado y @bomberscat siguen trabajando para acceder al edificio; de momento no pueden porque está al borde del colapso. #Badalona pic.twitter.com/9RUBtwS1dc
— Xavier García Albiol (@Albiol_XG) December 10, 2020