Bandaríkjaþing samþykkir neyðaraðstoð
Setja bókamerki
Bandaríkjaþing hefur samþykkt 900 milljarða dala neyðarpakka til að styrkja efnahaginn í landinu. Milljónir Bandaríkjamanna og fjöldi fyrirtæka hafa átt í erfiðleikum vegna faraldurs kórónuveirunnar.
Pakkinn felur í sér beinar greiðslur til margra Bandaríkjamanna og fyrirtækja, auk þess sem fjármagnið verður nýtt í verkefni í þágu atvinnulausra.
Frumvarpið var samþykkt með miklum meirihluta atkvæða, bæði í öldungadeildinni og fulltrúadeildinni. Búist er við því að Donald Trump Bandaríkjaforseti verði fljótur að skrifa undir lögin.
„Bandarískur almenningur þarf ekki að vera í vafa um að meiri hjálp er á leiðinni, núna strax,“ sagði leiðtogi repúblikana í öldungadeildinni, Mitch McConnell á Twitter.
Joe Biden, verðandi Bandaríkjaforseti, lýsti einnig yfir ánægju með gang mála á Twitter.
Rússar taldir undirbúa árásir gegn Vesturlöndum
„Ég er einfaldlega of heiðarlegur“
Stóð á milli þess að greiða með eða skila auðu
„Ég er forsetaframbjóðandi, ekki hommi í framboði“
Beint flug til Kína styrkir útflutning
Rannsókn miðar vel
Samþykkt kaup á fasteignum að virði 52 milljarða
Flugvél Icelandair til Glasgow snúið við