Mun viðurkenna sjálfstæði svæðanna
Setja bókamerki
Vladimír Pútín Rússlandsforseti mun viðurkenna sjálfstæði tveggja svæða aðskilnaðarsinna, sem studdir eru leynt og ljóst af Rússlandi, í austurhluta Úkraínu.
Greint er frá þessu í yfirlýsingu frá Kremlinni. Tekið er fram að Pútín hafi þegar upplýst leiðtoga Frakklands og Þýskalands um þessa ákvörðun sína.
„Í náinni framtíð hyggst forsetinn skrifa undir þessa tilskipun,“ segir í yfirlýsingunni.
Þar segir einnig að Emmanuel Macron Frakklandsforseti og Olaf Scholz kanslari Þýskalands hafi lýst vonbrigðum sínum með ákvörðunina í símtölum við Pútín í dag.
Fyrr í dag óskuðu leiðtogar beggja svæðanna eftir sjálfstæðisviðurkenningu af hálfu Rússlands.
Sagði ákvörðun tekna í dag
Pútín fundaði í dag með öryggisráði sínu, utan hefðbundinnar dagskrár, en í ráðinu koma saman hæst settu embættismenn landsins í varnar- og öryggismálum.
Héldu margir þeirra innblásnar ræður á fundinum þar sem þeir lýstu yfir stuðningi við að sjálfstæði svæðanna yrði viðurkennt.
„Ég hef heyrt skoðanir ykkar. Ákvörðunin verður tekin í dag,“ sagði Pútín.
Öryggi, en ekki átök
Á fundinum sagði hann einnig að ógn vofði yfir Moskvu, sem felist í spennunni á milli Rússlands og Vesturlanda vegna Úkraínu.
„Notkun á Úkraínu, sem tóls til að eiga í ágreiningi við land okkar, skapar alvarlega og mjög stóra ógn gagnvart okkur,“ sagði forsetinn og bætti við að í forgangi í sínum huga væri öryggi, en ekki átök.
Enn fremur sagði hann engar horfur á því að hægt væri að framfylgja friðarsáttmálanum sem gerður var árið 2015. Sáttmálanum var ætlað að binda enda á átök úkraínska hersins og aðskilnaðarsinnanna í austurhluta landsins.
Uppfært:
Kjörsókn yfir 60% í Reykjavíkurkjördæmum
Beint: Talið upp úr kjörkössunum
Of mikið af veganmat og hurð í andlitið
Mest spennandi kosningar síðan 1980
Upplýsa þarf ferðalanga um slæmt veður
/frimg/1/49/60/1496092.jpg)
„Það er ekki leiðum að líkjast“
Halla Tómasdóttir kjörin forseti Íslands
Halla: Mér líður ótrúlega vel