Evrópusambandið mun hefja ferli til að beita refsiaðgerðum gegn Rússum ef forsetinn Vladimír Pútín viðurkennir sjálfstæði tveggja svæða aðskilnaðarsvæða í austurhluta landsins.

Þetta sagði utanríkismálastjóri sambandsins, Josep Borrell, eftir fund með utanríkisráðherrum sambandsins í Brussel í kvöld.

Lokaákvörðun hjá ráðherrunum

„Það er sterk samstaða í Evrópusambandinu um að bregðast örugglega við,“ sagði hann og bætti við að ef Pútín myndi viðurkenna sjálfstæði svæða aðskilnaðarsinna, myndi hann leggja til viðskiptarefsiaðgerðir og ráðherrar sambandsins tækju lokaákvörðunina.

Á meðan Borrell ávarpaði blaðamenn eftir fundinn kom tilkynning frá Kreml þess efnis að Pútín væri að gera sig tilbúinn að viðurkenna sjálfstæði aðskilnaðarsinna í austanverðri Úkraínu, sem eru studdir af Rússlandi bæði leynt og ljóst.

Evrópusambandið hefur þegar hótað fordæmalausum refsiaðgerðum ef Rússar ráðast inn í Úkraínu.

Frétt af mbl.is

Mun viðurkenna sjálfstæði svæðanna

Óskuðu eftir viðurkenningu

Fyrr í dag óskuðu leiðtog­ar beggja svæðanna eft­ir sjálf­stæðisviður­kenn­ingu af hálfu Rúss­lands.

Pútín fundaði í dag með ör­ygg­is­ráði sínu, utan hefðbund­inn­ar dag­skrár, en í ráðinu koma sam­an hæst settu emb­ætt­is­menn lands­ins í varn­ar- og ör­ygg­is­mál­um.

Héldu marg­ir þeirra inn­blásn­ar ræður á fund­in­um þar sem þeir lýstu yfir stuðningi við að sjálf­stæði svæðanna yrði viður­kennt.

„Ég hef heyrt skoðanir ykk­ar. Ákvörðunin verður tek­in í dag,“ sagði Pútín.

Frétt af mbl.is

Friðsamleg lausn að renna úr greipum manna

Tengdar fréttir

Úkraína

Tíu létust í árásum í Karkív-héraði

• Telur að Rússar herði sókn sína í norðaustri
• Rússar leggja hald á bankaeignir
• Tveir drepnir í drónaárás Úkraínuhers
• Þakklátur Kínverjum fyrir friðarumleitanir

» Fleiri tengdar fréttir

• Blogga um frétt