Kjarnorkuverið Zaporizhzhia hefur verið tengt við dreifikerfi úkraínsku rafveitunnar á nýjan leik.

Alþjóðakjarnorkumálastofnun Sameinuðu þjóðanna greindi frá þessu í gær.

Frétt af mbl.is

Vill öryggissvæði umhverfis kjarnorkuverið

Kjarnorkuverið, sem er undir stjórn Rússa, hafði áður verið aftengt dreifikerfinu vegna árása á verið, með tilheyrandi hættu. 

Að sögn Alþjóðakjarnorkumálastofnunarinnar fær þetta stærsta kjarnorkuver Evrópu nú það rafmagn sem það þarf á að halda til að kæla kjarnakljúfana og vegna annarra nauðsynlegra öryggisatriða.

Frá því að verið var aftent dreifikerfinu þurfti það að treysta á eigin orkubirgðir til að geta starfað á öruggan hátt. Sérfræðingar óttuðust að þessar birgðir gætu klárast, sem hefði skapað mikla hættu. 

Eftirlitsmenn Alþjóðakjarnorkumálastofnunarinnar heimsóttu kjarnorkuverið snemma í þessum mánuði. Þó nokkrir þeirra verða áfram á svæðinu til að fylgjast með stöðu mála.

Tengdar fréttir

Úkraína

Leggjast gegn hernaðarstuðningi við Úkraínu

• Landbúnaðarráðherra Úkraínu handtekinn
• Hernaðaraðstoð samþykkt – Vopnasendingar í vikunni
• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn

» Fleiri tengdar fréttir

• Blogga um frétt