Donald Trump, fyrrverandi forseti Bandaríkjanna, hefur höfðað mál á hendur Leititu James, rík­is­sak­sókn­ara New York í Banda­ríkj­un­um, fyrir að hafa staðið á bakvið „ógnar- og áreitnistríði“ gegn sér. 

Frétt af mbl.is

Trump og fjölskylda sökuð um fjársvik

Í september höfðaði James mál á hendur Trump og fjölskyldu hans. Í stefn­unni kom fram að fyr­ir­tækið Trump Org­an­izati­on hafi stundað „ýmis“ fjár­svik á ár­un­um 2011 til 2021. Látið hafi verið líta út fyr­ir að eign­ir fyr­ir­tæk­is­ins væru meiri en þær voru í raun og veru. Þetta hafi komið sér vel fyr­ir fyr­ir­tækið þegar kem­ur að skatta- og trygg­inga­mál­um. Trump neitar sök.

Erlendir fjölmiðlar greina frá því að Trump hafi lengi ásakað James um að misnota aðstöðu sína til pólitísks ávinnings. 

Mál Trump á hendur James var höfðað til héraðsdóms í Flórída-ríki. Trump sakar James um að höfða „miskunnarlausa, skaðlega, opinbera og afsökunarlausa krossferð“ gegn sér og fyrirtæki hans. 

Hann heldur því einnig fram að mál James gegn honum sé „samsæri“ til að ná yfirráðum yfir viðskiptum Trump. 

Leita James, rík­is­sak­sókn­ari New York í Banda­ríkj­un­um. AFP/Michael M. Santiago/Getty Images

Í yfirlýsingu talsmanns James segir að „engin fjöldi málaferla muni koma í veg fyrir“ mál ríkissaksóknarans gegn Trump.

Tengdar fréttir

Donald Trump fyrrverandi Bandaríkjaforseti

Sagðist hafa þaggað niður neikvæða umfjöllun

• Segir Trump ekki sekan
• Opnunarræður fluttar í máli Trumps
• Lést eftir að hafa kveikt í sér
• Trump mætir fyrir dóm í fyrsta sakamálinu

» Fleiri tengdar fréttir

• Blogga um frétt