Imran Khan handsamaður

Fyrrverandi forsætisráðherra Pakistan, Imran Khan, var fyrr í dag handsamaður af herdeild þegar hann var í byggingu Hæstaréttar landsins í Islamabad, höfuðborg Pakistan. Khan var handsamaður af herdeild sem starfar utan hers landsins.

Þá hefur ákæra verið gefin út á hendur Khan, frá stofnun landsins sem vinnur gegn spillingu. Samkvæmt umfjöllun CNN var Khan í byggingu Hæstaréttar til þess að láta af hendi lífsýnaupplýsingar vegna málsins þegar herdeildin braust inn um glugga og handsamaði hann.

Frétt af mbl.is

Imran Khan særðist í skotárás

Fram kemur að Khan hafi áður verið sakaður um ólöglega sölu á munum sem hann hafi fengið gefins frá erindrekum annarra landa þegar hann var forsætisráðherra.

Frétt af mbl.is

Vara við handtöku Khans

Khan er 70 ára gamall og var forsætisráðherra Pakistan frá 2018 til 2022 og var fjarlægður úr embætti í kjölfar vantrauststillögu í apríl 2022.

Frétt af mbl.is

Forsætisráðherra Pakistan vikið úr embætti

Imran Khan, sem sést hér fyrir miðri mynd, er fyrrverandi forsætisráðherra landsins. AFP

• Blogga um frétt