Allir um borð létust í flugslysinu

Allir þrír sem voru um borð í flugvélinni, sem brotlenti í vesturhluta Sviss í dag, eru látnir eftir slysið.

Frá þessu greinir lögregla á svæðinu nú, en slysið varð um klukkan 10.20 í morgun að staðartíma, eða um kl. 8.20 að íslenskum tíma, í bröttu og skógi vöxnu landi í Neuchatel-fjöll­un­um.

„Flugmaðurinn og farþegarnir tveir létust á vettvangi,“ segir í tilkynningu lögreglunnar í Neuchatel.

Flugvélin var skráð í Sviss og hafði tekið á loft frá flugvellinum Chaux-d-Fonds, nærri staðnum þar sem slysið varð, fyrir útsýnisflug.

Aðdrög brotlendingarinnar eru ekki ljós að sögn lögreglu, sem hafið hefur rannsókn sína.

Frétt af mbl.is

Að minnsta kosti nokkrir látnir eftir flugslys í Sviss

• Blogga um frétt