Karlmaður í suðvesturhluta Frakklands hefur verið handtekinn fyrir að hafa myrt konu í svokölluðum drykkjuleik. Konan klæddist skotheldu vesti og var skotin í magann.
Lík konunnar fannst á laugardag í þorpinu Montpon-Menesterol í Dordogne-héraði. Hún var 47 ára gömul þriggja barna móðir.
Að sögn saksóknara hefur maðurinn viðurkennt að hafa notað veiðiriffil sinn á föstudagskvöldið í leik þar sem konan fór í skothelt vesti áður en skotið var í átt að henni.
Marðurinn, sem er 55 ára, gaf sig fram við lögreglu á laugardag og var mjög ölvaður. Tveir aðrir karlmenn sem voru viðstaddir atburðinn hafa verið handteknir og yfirheyrðir.