Hunter Biden ákærður

Hunter Biden, sonur Joe Biden Bandaríkjaforseta, hefur verið ákærður fyrir brot gegn vopnalögum. Er hann sakaður um að hafa fest kaup á skotvopni þegar hann neytti fíkniefna.

Hunter Biden, sem er 53 ára gamall, var ákærður í tveimur liðum fyrir að hafa logið til um að vera edrú er hann fyllti út eyðublöð fyrir kaupin á byssunni árið 2018.

Þá er hann einnig ákærður fyrir að hafa verið með skotvopnið á sér ólöglega í 11 daga í október sama ár, í ljósi þess að hann gaf upp rangar upplýsingar á eyðublaðinu.

Gæti Biden átt yfir höfði sér allt að 25 ára fangelsisdóm verði hann fundinn sekur. 

Frétt af mbl.is

Sérstakur saksóknari útnefndur í máli sonar Bidens

Óheppilegt fyrir Joe Biden

Ákæran á hendur Hunter Biden kemur sér illa fyrir föður hans sem hyggst reyna að halda sæti sínu í Hvíta húsinu annað kjörtímabil.

Á mánudaginn tilkynnti dómsmálaráðuneyti Bandaríkjanna að það hefði útnefnt sérstakan saksóknara til að skoða vafasöm viðskipti Hunters Biden á erlendri grundu. Viðskipt­in áttu sér stað meðal ann­ars á ár­un­um 2009-2017, þegar faðir hans, Joe Biden, gegndi embætti vara­for­seta Banda­ríkj­anna.

Re­públi­kan­ar halda því fram að Joe Biden hafi notað stöðu sína sem vara­for­seti til að hjálpa til í viðskipt­um son­ar síns. Þessu hefur Joe Biden neitað.

Frétt af mbl.is

Sonur Bandaríkjaforseta játar skattsvik

• Blogga um frétt