Stjórn Blaðamannafélags Íslands hefur sent frá sér yfirlýsingu þar sem það er harmað að yfirvöld skyldu hafa takmarkað aðgang fréttamanna að ísbjarnarhræinu á Hrauni á Skaga. 

„Blaðamannafélag Íslands harmar að yfirvöld skyldu hafa takmarkað aðgang fréttamanna að ísbjarnarhræinu við Hraun á Skaga í síðustu viku. Einkum átelur félagið að lögreglu skuli hafa verið skipað að loka þjóðvegi til þess að hindra fréttamenn í vinnu sinni eftir að björninn hafði verið veginn. Umhverfisráðherra hefur upplýst að tilgangurinn hafi verið að koma í veg fyrir óheppilegar myndir sem skaðað gætu ímynd landsins.

Blaðamenn eiga ekki einungis lögvarinn rétt heldur ber þeim skylda til að afla frétta og miðla þeim í þágu almennings. Allir tilburðir til þess að takmarka aðgang fjölmiðla að fréttaviðburðum, til dæmis með því að hindra myndatökur, fela í sér tilraunir til ritskoðunar.

Blaðamannafélagið ítrekar að það er ekki í verkahring yfirvalda að stýra því sem er myndað eða sagt. Ritstjórnarvaldið og ábyrgðin er hjá fjölmiðlunum sjálfum."

Tengdar fréttir

Ísbjörn í Skagafirði

Hvalnesbirnan feit og fín

• Nýja birnan gæti orðið farandbirna
• Einskis varir á Hornströndum
• Leita ísbjarna á Vestfjörðum
• Birnan var með mjólk í spenunum

» Fleiri tengdar fréttir

• 3 blogg um fréttina

Bloggað um fréttina

• Snjólaug A. Sigurfinnsdóttir: Vælandi blaðamenn
• Sigurbjörn Friðriksson: Má sýna myndir af illa förnum hræum? (hræ = dautt …
• Guðrún María Óskarsdóttir.: Ekki sjá blaðamenn skóginn fyrir trjánum frekar en fyrri daginn......