Ómar: „Ég bara sat áfram“
Hjörtur J. Guðmundsson
Setja bókamerki
„Vegagerðin er að láta gera þetta á þeim forsendum að við séum ekki lögaðilar að málinu en það er ennþá fyrir dómstólum og ekki búið að útkljá það. Ég skil ekki í því hvers vegna er verið að beita þessu mikla valdi og stórri sveit lögreglumanna á meðan málið er ekki ennþá útkljáð fyrir dómstólum landsins.“
Þetta segir Ómar Ragnarsson, fréttamaður, í samtali við mbl.is en hann var einn af þeim sem handtekinn var í morgun af lögreglu við Gálgahraun fyrir að reyna að koma í veg fyrir að framkvæmdir gætu hafist við nýjan Álftanesveg. Þegar blaðamaður heyrði í Ómari var hann staddur í fangaklefa.
„Ég gerði mér það til saka að sitja þarna. Lögreglan stóð þarna en lét mig alveg óáreittan þegar ég gekk inn á vinnusvæðið,“ segir hann. Hins vegar hafi verið komið í veg fyrir að ýmsir aðrir kæmust inn á svæðið. „Ég settist niður og þá kom fyrst maður með gjallarhorn og sagði að ég ætti að fara. Og ég bara sat áfram. Þetta er lögleysa og ég segi bara eins og í sjálfstæðisbaráttu Íslendinga: Ég stend á réttinum en beygi mig fyrir valdinu.“
Banna mengandi búnað sem leyfður er á Íslandi
Hvorki sést áður hér á landi né annars staðar
Sex hafa greinst með listeríu
„Umsátursástand“
Vonast til að tjaldbúðir við HÍ standi áfram
„Höfum ekki náð að skríða upp úr þeirri gryfju“
Skar höfuðleðrið af íslenskri konu
Handteknir eftir myndatöku í Vesturbæjarlaug