Lögreglustjórinn á Húsavík hefur ákveðið í ljósi aukins óróa á gosstöðvunum í dag að loka fyrir alla frekari umferð inn á svæðið norðan Vatnajökuls. Á meðan þessi óvissa varir er ekki talið rétt að hleypa fleirum inn á svæðið. Jafnframt hefur verið sett upp innri lokun á vegi 910 við Vaðöldu.
Fram kemur í tilkynningu frá Almannavörnum, að fjölmiðlar og vísindamenn hafi til þessa haft takmarkaðan aðgang að svæðinu að uppfylltum ákveðnum skilyrðum.
Þessi ákvörðun verður endurskoðuð um leið og nýjar upplýsingar berast.