Báturinn Glaður, sem sökk í gömlu höfninni í Reykjavík í nótt, hefur verið hífður upp.

Kafari mætti á svæðið um tvöleytið í dag og um tveimur og hálfum tíma síðar var báturinn hífður upp með vörubílskrana. Þaðan verður hann fluttur á svæði sem kallast pippurinn en þar geyma Faxaflóahafnir ýmislegt dót.

Að sögn Gísla Jóhanns Hallssonar, yfirhafnsöguvarðar hjá Faxaflóahöfnum, gekk það eins og í sögu að ná bátnum upp úr höfninni.

Hinn báturinn sem sökk, Sæmundur fróði, verður ekki hífður upp fyrr en á morgun.