„Þið vitið fullkomlega hvað er í pakkanum“

Uffe Ellamann-Jensen, fyrrverandi utanríkisráðherra Danmerkur.
Uffe Ellamann-Jensen, fyrrverandi utanríkisráðherra Danmerkur. mbl.is/Kristinn Magnússon

„Ég hef fyrir löngu gefist upp á því að mynda mér skoðanir á Íslandi og Evrópusambandinu. Það er betra að láta Íslendinga um það. Ég tel að Íslendingar hafi ekki haldið nógu skynsamlega á málum í þeim efnum eins og þeir gera venjulega en það er ykkar vandamál. Þannig að ég læt ykkur um það. Þess utan á sambandið við svo mikla erfiðleika að stríða eins og staðan er í dag að við þurfum ekki fleiri vandræðagemsa innan veggja þess.“

Þetta segir Uffe Ellemann-Jensen, fyrrverandi utanríkisráðherra Danmerkur, í samtali við mbl.is og hlær við í lokin en hann hefur lengi verið áhugasamur um að bæði Ísland og Noregur gengju í Evrópusambandið. Bendir hann á í þeim efnum að hans eigin landar, Danir, hafi líka valdið samrunaþróuninni innan sambandsins vandræðum. Talið berst að Bretum sem einnig hafa verið sakaðir um að vera vandræðagemsar innan Evrópusambandsins en eru nú á útleið úr því. Ellemann-Jensen segist þeirrar skoðunar að útgangan úr sambandinu eigi eftir að valda Bretum miklum erfiðleikum og verða þeim miklu kostnaðarsamari en ráðamenn þeirra vilji meina.

„Fyrir Evrópusambandið og vestræn ríki er útganga Bretlands erfið vegna tímasetningarinnar. Þegar fyrir hendi eru gríðarlegir erfiðleikar vegna Rússlands og þessi nýi forseti hefur tekið við völdum í Bandaríkjunum. Þetta eru tímar sem kalla á evrópska samvinnu, að varnir álfunnar séu styrktar og svo framvegis. Þetta er ekki besta tímasetningin til þess að takast á við slíkt vandamál. Þetta er klúður og mér finnst satt að segja stundum svolítið erfitt að halda í bjartsýnina,“ segir hann.

Heimskulegt að reisa múra og stöðva frjáls viðskipti

Spurður hvort önnur ríki sem eru innan Evrópusambandsins í dag eigi eftir að segja skilið við sambandið segist Ellemann-Jensen ekki telja að fleiri ríki muni beinlínis yfirgefa það þó erfitt sé til að mynda að segja til um hvernig forsetakosningarnar í Frakklandi í apríl kunni að fara. Sama sé að segja um þingkosningarnar í Hollandi síðar í þessum mánuði. Vísar hann þar til mögulegs árangurs Marine Le Pen, leiðtoga frönsku Þjóðfylkingarinnar, og Geerts Wilders, leiðtoga hollenska Frelsisflokksins.

„Síðan erum við með ríki eins og Ungverjaland og Pólland sem eru einfaldlega ekki að standa við þær skuldbindingar sem þau gáfu við inngönguna í Evrópusambandið. Þannig að sambandið á við mikla erfiðleika að stríða. Vandamálið er að við höfum orðið vitni af uppgangi þjóðernisíhaldsmanna sem eru af allt öðrum toga en sú frjálslynda íhaldstefna sem ég aðhyllist. En þjóðernisíhaldsstefna finnst meðal annars i boðskap Donalds Trump um að setja Bandaríkin í fyrsta sæti,“ segir hann.

Skilaboðin séu þau að hægt sé að taka á flóttamannavandanum og öðrum vandamálum með því að reisa múra og stöðva frjáls viðskipti. Það séu heimskulegar hugmyndir. Lausnin í þeim efnum sé þvert á móti meiri samvinna á milli ríkja. Spurður hvernig hann telji æskilegt að Evrópusambandið þróist til framtíðar segir Ellemann-Jensen að vænlegast sé að samrunaþróunin eigi sér stað á mismunandi hraða og að tekið verði tillit til hvers ríkis. Staðan hafi í raun lengi verið með þeim hætti.

„Vitanlega er Evrópusambandið ekki lokaður pakki“

„En á sama tíma verður að standa fast á því að ríki geta ekki bara tínt rúsínurnar af kökunni. Þannig virkar það ekki. Það eru ekki í boði endalaus jól fyrir suma en aðra ekki. Ríki verða að taka þátt eða segja skilið við Evrópusambandið. Og það er það sem Bretar eiga eftir að komast harkalega að raun um. Þeir eiga eftir að komast að því að þeir geta ekki bæði átt kökuna og borðað hana og það á sínum eigin forsendum,“ segir Ullemann-Jensen ennfremur.

Talið berst að umræðunni um Evrópusambandið á Íslandi þar sem stundum hefur verið talað um að sækja þurfi um inngöngu í sambandið og fá samning á borðið til þess að sjá hvað sé í boði. Hvað sé í pakkanum eins og það hefur gjarnan verið orðað. Spurður hvort raunveruleikinn sé með þeim hætti segir Ellemann-Jensen að svo sé alls ekki. „Þið vitið fullkomlega hvað er í pakkanum. En stundum þurfa stjórnmálamenn að gefa eitthvað eftir til þess að fá það sem er í kassanum og þá tapa þeir vitinu. Eða kjarkinum.“ Þá hefjist ómaklegar ásakanir í garð Evrópusambandsins.

„Vitanlega er Evrópusambandið ekki lokaður pakki. Þið vitið hvað þið væruð að fara út í. Og ef þið eruð ekki reiðubúin til þess, haldið ykkur þá fyrir utan sambandið. Það er það besta sem þið getið gert,“ segir hann að lokum.

mbl.is

Innlent »

Segir þolinmæði á þrotum

17:25 „Ég er ósammála því að það liggi ekki sérstaklega á þessu. Staðan í Vestmannaeyjum er þannig að hingað er komið nýtt skip, tilbúið til siglinga, og það sem stendur út af er að skipið getur ekki lagst að bryggjumannvirkjum í Vestmannaeyjum,“ segir Njáll Ragnarsson, formaður bæjarráðs Vestmannaeyja. Meira »

Þróa nýtt öryggistæki fyrir báta

17:05 Hefring nefnist nýtt fyrirtæki sem hyggst miðla upplýsingum í rauntíma til skipstjóra um þá þyngdarkrafta sem skip þeirra eru undirorpin á hafi úti. Meira »

Sjólaskipasystkini ákærð vegna skattamála

16:59 Embætti héraðssaksóknara hefur gefið út fimm ákærur á hendur systkinum sem oftast eru kennd við útgerðarfélagið Sjólaskip. Systkinin, tveir bræður og tvær systur, eru ákærð hvert um sig og einnig eru bræðurnir tveir ákærðir sameiginlega. Meira »

Hvaða ungu Íslendingar skara fram úr?

16:40 Í fyrra var Ingileif Friðriksdóttir valin framúrskarandi ungur Íslendingur af tvöhundruð tilnefndum. Nú hefur aftur verið opnað fyrir tilnefningar og landsmenn hafa þrjár vikur til að bregðast við. Meira »

Reyna að koma skútunni í land síðdegis

16:29 Einn var um borð í skútunni sem strandaði á skeri við Löngusker utarlega í Skerjafirði í dag. Björgunarbátur sigldi nánast alveg að skútunni og komst maðurinn þannig frá borði. Þetta kemur fram í tilkynningu frá Landsbjörg. Meira »

Ný skilti ekki lækkað hraðann

16:07 Lögreglan myndaði brot 92 ökumanna, sem keyrðu of hratt á Hringbraut í Reykjavík í gær. Á klukkustundartíma eftir hádegi óku 322 bílar í vesturátt og reyndust 92 þeirra yfir löglegum hámarkshraða, eða um 29%. Meira »

„Gamli Herjólfur sinnir þessu alveg“

15:32 Lagfæringum á ekju- og landgöngubrúm fyrir nýja Herjólf er næstum lokið. Nú eru það hins vegar viðlegukantar í Vestmannaeyjahöfn sem setja strik í reikninginn. Upplýsingafulltrúi Vegagerðarinnar segir ekki liggja á að taka skipið í notkun, enda afkasti gamli Herjólfur álíka miklu. Meira »

Bannar sæbjúgnaveiðar í Faxaflóa

15:28 Sjáv­ar­út­vegs­ráðuneytið hef­ur gert all­ar veiðar á sæ­bjúg­um óheim­il­ar frá og með deg­in­um í dag, á til­teknu svæði á Faxa­flóa. Þetta kem­ur fram í reglu­gerð ráðuneyt­is­ins, sem sögð er falla úr gildi 31. ág­úst næst­kom­andi. Meira »

Sækja slasaða konu á Fimmvörðuháls

15:16 Björgunarsveitir á Suðurlandi voru kallaðar út á þriðja tímanum í dag vegna slasaðrar konu á Fimmvörðuhálsi. Konan er slösuð á fæti og er stödd ofarlega á Fimmvörðuhálsi, miðja vegu milli Baldvinsskála og Fimmvörðuhálsskála. Meira »

Umferðarlagabrotum og kynferðisbrotum fjölgar

15:03 Umferðarlagabrotum og skráðum kynferðisafbrotum fjölgaði mikið á höfuðborgarsvæðinu í júní. Þetta kemur fram í mánaðarskýrslu lögreglustjórans á höfuðborgarsvæðinu fyrir júní 2019. Meira »

Ekkert fæst frá Isavia fyrr en á morgun

14:48 Næstu skref Isavia vegna dóms héraðsdóms í forræðisdeilu ríkisfyrirtækisins og bandaríska fyrirtækisins ALC verða ákveðin á morgun. Forstjóri fyrirtækisins hefur verið óínáanlegur síðustu daga. Meira »

Hefur hliðstæða reynslu af Birgittu

13:59 Þingflokkur Pírata var sammála um að rétt væri að upplýsa fundarmenn á félagsfundi flokksins á þriðjudaginn á hreinskilinn hátt um reynsluna af samstarfi þingmanna hans við Birgittu Jónsdóttur áður en greidd væru atkvæði um það hvort hún tæki sæti í trúnaðarráði flokksins. Meira »

Dómi yfir Vigfúsi áfrýjað til Landsréttar

13:26 Ríkissaksóknari hefur áfrýjað dómi Héraðsdóms Suðurlands í máli ákæruvaldsins gegn Vigfúsi Ólafssyni, sem dæmdur var fyrir manndráp af gáleysi og brennu 9. júlí. Vigfús var ákærður eftir að tveir létust í bruna að Kirkjuvegi 18 á Selfossi í október. Meira »

Leita eiganda „slagsmálahamsturs“

12:59 Lögreglan á Suðurnesjum greinir frá slagsmálum í bakgarði við heimahús í Keflavík í færslu á Facebook-síðu sinni. Óvenjulegt hafi hins vegar verið að sigurvegarinn hafi borið þann sem undir varð í kjaftinum heim til sín. Meira »

Fjögurra bíla árekstur við Grensásveg

12:51 Fjögurra bíla árekstur varð við Grensásveg og Hæðargarð. Að sögn slökkviliðsins á höfuðborgarsvæðinu var einn var fluttur á slysadeild Landspítalans eftir að hann missti stjórn á bíl sínum. Meira »

Pétur G. Markan til Biskupsstofu

12:50 Pétur Georg Markan hefur verið ráðinn samskiptastjóri Biskupsstofu. Hann lét nýlega af störfum sem sveitarstjóri Súðavíkurhrepps. Hann hefur störf hjá Biskupsstofu í ágúst. Meira »

Áforma að friðlýsa Goðafoss

12:19 Umhverfisstofnun hefur kynnt áform um friðlýsingu Goðafoss í Þingeyjarsveit. Greint er frá áformunum á vef Stjórnarráðs og Umhverfisstofnunnar, Goðafoss er er einn af vatnsmestu fossum landsins og vinsæll ferðamannastaður. Meira »

Skúta strand í Skerjafirði

12:08 Björgunarsveitir í Hafnarfirði og Kópavogi voru kallaðar út um ellefu í morgun vegna skútu sem siglt hafði í strand utarlega í Skerjarfirði. Meira »

Mega eiga von á 150 milljóna kröfu

11:08 Flugvél í eigu ALC, sem Isavia hefur haldið á Keflavíkurflugvelli, er nú laus úr haldi. Stefnt er að því að fljúga henni úr landi sem fyrst, helst á morgun. Lögmaður ALC segir Isavia eiga yfir höfði sér skaðabótamál upp á um 150 milljónir króna. Meira »
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
Jema A/S danskar skæralyftur
Við seljum hinar vinsælu skæralyftur frá JEMA . Lyfta 1,2 m og 3 T ,glussadrifn...
Byggingaverktakar - Byggingastjórn - Meistarar - Eignaskiptayfirlýsingar
Byggingaverktakar - Byggingastjórn - Húsasmíðameistari - Eignaskiptayfirlýsingar...