Heiðar Orri Þorleifsson hefur enn ekki komið í leitirnar, samkvæmt lögreglunni í Kópavogi. Hans hefur verið saknað síðan á sunnudaginn, 9. júlí.
Síðast sást til Heiðars á Gunnarsbraut þar sem hann var í heimsókn hjá vini sínum á sunnudagsmorgninum. Þá var hann klæddur í svarta Adidas-peysu, bláar gallabuxur, bláa húfu og rauða og hvíta Reebok-skó.
Heiðar Orri er fæddur árið 1986. Hann er um 170 sm, grannvaxinn með blá augu. Hann er krúnurakaður og með rautt skegg.
Þeir sem geta veitt upplýsingar um ferðir Heiðars Orra eru vinsamlegast beðnir um að hafa samband við lögreglu í síma 444-1000.