Bjarni Már Magnússon, dósent við lagadeild Háskólans í Reykjavík, telur vafa leika á lögmæti handtöku Thomasar Möllers Olsens um borð í grænlenska togaranum Polar Nanoq.

Hann segir í samtali við RÚV að Héraðsdómur Reykjaness hefði átt að taka afstöðu til þess þegar dæmt var í máli Olsens en það hafi ekki verið gert.

Olsen var dæmdur í 19 ára fangelsi fyrir að hafa myrt Birnu Brjánsdóttur og fyrir stórfellt fíkniefnabrot.

Bjarni Már segir að farið hafi verið um borð í skipið utan íslensku landhelginnar, innan svokallaðrar efnahagslögsögu.

„Íslenska ríkið hefur fyrst og fremst almenna refsilögsögu í landhelginni og svo tiltekna lögsögu í efnahagslögsögunni, til dæmis er þekktast varðandi fiskveiðibrot,“ segir hann í samtali við RÚV.

Hann segir að þegar handtakan var gerð hafi íslensk lögsaga ekki verið til staðar og að samþykki fánaríkis hafi skort.

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• Blogga um frétt