Eins og óargadýr inn í samfélag í sárum

Vigdís Grímsdóttir skólastjóri, Hrefna Þorvaldsdóttir matráður og Elín Agla Briem ...
Vigdís Grímsdóttir skólastjóri, Hrefna Þorvaldsdóttir matráður og Elín Agla Briem kennari ræða málin í eldhúsinu í Finnbogastaðaskóla. mbl.is/Golli

Í fyrra fluttu þrjár fjölskyldur, þeirra á meðal yngstu bændurnir, frá Árneshreppi á Ströndum, minnsta sveitarfélagi landsins. Fimm börn voru í þessum hópi. Slíkt hafði mikil áhrif í litlu samfélagi þar sem hver íbúi getur skipt sköpum og skólahald í Finnbogastaðaskóla, sem á sér áttatíu ára samfellda sögu, var í uppnámi. Um hríð var útlit fyrir að kennsla myndi leggjast af í vetur en það bjargaðist á elleftu stundu og nú eru tvö börn í skólanum.

Staðan í sveitarfélaginu er því erfið og líklegt að ekki verði kennt í skólanum eftir áramót þar sem til stendur að bæði börnin fari annað til náms. „Það er sárt að hugsa til þess að þá muni barnsraddirnar á Ströndum þagna,“ segir Elín Agla Briem sem er kennari við Finnbogastaðaskóla.

Á þessum viðkvæma tímapunkti í samfélagi sem hefur í áratugi barist fyrir samgöngubótum og annarri nauðsynlegri innviðauppbyggingu hefst svo umræða um fyrirhugaða Hvalárvirkjun af krafti. Ólík sjónarmið kallast á en þegar íbúarnir eru orðnir vonlitlir um að ríkisvaldið fari í nauðsynlegar vegabætur, svo byggðin verði ekki nær einangruð í nokkrar vikur á hverju ári, taka því sumir fagnandi að einkafyrirtækin Vesturverk og HS Orka ætli sér í virkjanaframkvæmdir í hreppnum og lofi samhliða ýmsum umbótum, s.s. ljósleiðara, þriggja fasa rafmagni, betri vegi til Ófeigsfjarðar, sumarvegi yfir Ófeigsfjarðarheiði og jafnvel hitaveitu í hluta hreppsins. Allt eru þetta þó hlutir sem flest byggðarlög á Íslandi hafa nú þegar og þykja sjálfsagðir í nútímasamfélagi.

Elín Agla segir það mikinn harm að virkjanahugmyndirnar skuli koma upp í samfélaginu á Ströndum á þessum tíma. „Hér hefur verið mikil fólksfækkun og það er auðvitað viðkvæmt mál að horfa upp á möguleg endalok búskapar hér sem á sér 1200 ára óslitna sögu.

Tveir jakkar og tvennir skór hanga í fatahenginu í anddyri ...
Tveir jakkar og tvennir skór hanga í fatahenginu í anddyri Finnbogastaðaskóla þetta árið. Aðeins tveir nemendur eru í skólanum. mbl.is/Golli

Mér finnst erfitt að framkvæmdaaðilar noti þetta mál til að spila á tilfinningar fólks. Þeir segjast vera að koma hingað til að styrkja innviði. Það er gagnrýnivert að gera slíkt hér núna, þegar tilfinningar eru svona hráar og staðan erfið. Við hefðum einmitt þurft að hafa hér næði til að vinna úr þessu áfalli saman, finna okkar leiðir til að takast á við það og byggja upp á ný. Virkjanaáformin koma eins og óargadýr inn í samfélagið á meðan þetta er allt að gerast.“

Vigdís Grímsdóttir rithöfundur er skólastjóri í Finnbogastaðaskóla í vetur. Hún hefur áður kennt þar og búið í Árneshreppi um lengri og skemmri tíma síðustu ár.

Hún segir það áhugavert sjónarhorn sem sumir hafa viðrað í tengslum við virkjanaáformin að fáir komi á svæðið sem nú sé undir og að fáir viti af því yfir höfuð. „Þá sé í lagi að ryðjast inn í landið, berja það niður og eyða fossunum,“ segir Vigdís. „Fyrir mér er þetta spurning um tilfinningar, maður ræðst ekki á móður sína. Og það er ekkert „nema“ í því sambandi, að það megi ekki nema að það sé gott fyrir okkur. Við eigum að vera orðin upplýstari í dag. Það er aldrei þess virði að ryðjast svona inn í landið og misþyrma því. Íslendingar eru á móti ofbeldi og níðingshætti, það hefur sýnt sig síðustu daga.“

Sömu vinirnir þrátt fyrir skiptar skoðanir

En hver eru áhrif umræðunnar um virkjanamálin í fámenninu í Árneshreppi sem klofnaði í harðri deilu um kirkjubyggingar fyrir nokkrum áratugum?

„Þetta á að vera voðalega erfitt að mati margra og fólk á ekki að geta talað saman ef það hefur ekki sömu skoðun,“ segir Vigdís. „En það er ekki þannig hér og nú. Fólk er ekki sammála, vinir manns vilja virkja. En þeir eru sömu vinir mínir fyrir það.“

Hrefna Þorvaldsdóttir, matráður í Finnbogastaðaskóla, hefur búið í Árneshreppi í yfir þrjá áratugi. Hún segir hættulegt ef núningur yrði milli þeirra sem annars vegar eru hlynntir virkjun og hins vegar þeirra sem eru það ekki. Hvernig sem fer að lokum. „Þessi virkjun hefur nákvæmlega ekkert með það að gera hvort hér verði áfram heilsársbúseta eða hvort hún leggist af.“

Jóhanna Engilráð og Vigdís Grace eru einu nemendur Finnbogastaðaskóla í ...
Jóhanna Engilráð og Vigdís Grace eru einu nemendur Finnbogastaðaskóla í Árneshreppinn. Það er þó oft líf og fjör í kennslustundum með skólastjóranum Vigdísi Grímsdóttur. mbl.is/Golli

Óttast að heilsársbúseta leggist af

Árið 1998 voru 72 með lögheimili í Árneshreppi. Í ár eru þeir 46. Um þrjátíu búa þar í vetur, aðrir eru burtu vegna vinnu eða skóla. Skiljanlega eru því allir uggandi yfir ástandinu og óttast að að því geti komið að byggðin leggist í eyði og að þar verði aðeins búið yfir sumarmánuðina.

 „Þegar framkvæmdir eru gerðar á óbyggðum víðernum verður að rökstyðja það með því að almannahagsmunir séu í húfi,“ segir Elín Agla. „Því er nú gripið til byggðasjónarmiða, að þessi virkjun eigi að bjarga byggðinni. En þetta er einkafyrirtæki sem er að hugsa um sína arðsemi. Þeir ættu að vera heiðarlegir með það í stað þess að bjóðast til að klæða skólann að utan,“ segir hún.

Þær segja íbúana vanda sig við að láta ekki virkjanamálið hanga eins og óveðursský yfir sér í hversdagslífinu. Í litlum hreppi þurfi allir að standa saman og einmitt þannig er það í Árneshreppi.

Þó fámennt sé í Árneshreppi hefur tekist að halda uppi ...
Þó fámennt sé í Árneshreppi hefur tekist að halda uppi skólahaldi. Allt þar til nú. Um áramót mun Finnbogastaðaskóla verða lokað. mbl.is/Golli

Elín Agla segir að þrátt fyrir þetta sé ljóst að málið yfirtaki önnur mál sem þurfi að ræða og takast á við í hreppnum, svo sem að mögulega þurfi að loka einu versluninni á staðnum og að skólastarf sé í uppnámi. „Þetta er svo stórt mál og frekt, það passar illa í samhengið hérna. En það má ekki gleyma því að það er engin virkjun þarna ennþá.“

Stórkarlalegir virkjanadraumar

Hún segir að því sé enn tækifæri til að hugsa málin upp á nýtt. „Svona stórkarlalegir virkjunardraumar eru sem betur fer á undanhaldi þótt lengi lifi í gömlum glæðum. En það er dularfullt hvað stjórnmálamenn eru hljóðir í þessu máli, líka þeir sem kenna sig við náttúruvernd. En þeir sækja auðvitað ekki atkvæði sín í Árneshrepp, til þess erum við alltof fámenn. Ég vil að stjórnmálamenn taki afstöðu í þessu máli, til þess að erlendir aðilar séu að spila með víðerni og náttúru okkar Íslendinga fyrir einkagróða sem fluttur er úr landi.“

Allir vilja að það íbúum í hreppnum fjölgi á ný. Til þess eru þegar ágætar aðstæður þó enn vanti mikið upp á. Nettengingar eru til að mynda góðar. Vigdís nefnir að hún hafi skrifað þrjár bækur á meðan hún hefur búið í Árneshreppi og aldrei hafi verið vandamál að senda prófarkir eða annað frá sér og eiga í samskiptum við fólk í gegnum netið. „Það er gaman og gott að búa hérna. Það hefur ekkert með virkjun að gera. Þó að hér yrði fullt af fólki á framkvæmdatímanum yrði það mestmegnis uppi á fjöllum. Svo færi það. Virkjun hér er ekki svarið til að byggja upp þennan yndislega hrepp. Hún myndi aðeins rífa hann niður.“

Umræðan skipti um kúrs

Þegar aðalskipulagi Árneshrepps var síðast breytt fyrir nokkrum árum var gert ráð fyrir mögulegri virkjun í hreppnum. Þá áttu nokkur föst störf til framtíðar að fylgja henni sem og íbúðarhús fyrir starfsmennina. Það hefur nú allt breyst og samkvæmt breytingatillögu sem nú bíður afgreiðslu hreppsnefndar eru engin íbúðarhús, aðeins tímabundnar vinnubúðir. Engin heilsársstörf myndu skapast eftir að virkjunin yrði byggð.

En umræðan snýst ekki lengur um það mikla hagsmunamál Árneshrepps.

Jóhanna Engilráð Hrafnsdóttir styttir sér leið yfir girðinguna við Finnbogastaðaskóla ...
Jóhanna Engilráð Hrafnsdóttir styttir sér leið yfir girðinguna við Finnbogastaðaskóla í Trékyllisvík. mbl.is/Golli

 „Núna er þetta allt í einu farið að snúast um borgarbúa gegn Vestfirðingum,“ segir Elín Agla og Vigdís bætir við að fólk að sunnan sé skammað fyrir að skipta sér af málinu. Geri það slíkt sé það sagt á móti Vestfirðingum og fyrir það vill auðvitað enginn vera þekktur. „Og slík orðræða hefur áhrif. Fólk hikar við að tjá sig og segja sína skoðun því það vill ekki gera lítið úr Vestfirðingum,“ segir Elín Agla. „En staðreyndin er sú að Vestfirðingar eru að átta sig á að þetta er ekki sú bót á rafmagni og afhendingaröryggi sem virkjunaraðilar hafa haldið fram. Iðnaðarráðherra viðurkenndi á borgarafundi á Ísafirði að þetta væri einmitt ekki sú hringtenging sem Vestfirðingar hafa beðið svo lengi eftir. Og þá eru fallin rök virkjunaraðila um almannahagsmuni, hvort sem er í Árneshreppi eða Vestfjörðum.“

Reyndi að fara en missti tennur

En hvers vegna settist rithöfundurinn Vigdís að í Árneshreppi stóran hluta ársins á meðan aðrir eru að flytja þaðan?

 „Ég kom hingað eina helgi fyrir tíu árum. Svo reyndi ég að fara héðan en kom strax aftur,“ segir hún og hlær. „Ég reyndi aftur að fara héðan í fyrra en það bara gekk ekki. Ég missti tennur og byrjaði að brotna, í orðsins fyllstu merkingu. Svo ég kom aftur. Hann kallar á mann þessi hreppur, þetta umhverfi og þetta fólk.“

Skólastjórinn Vigdís Grímsdóttir leiðbeinir Jóhönnu Engilráð.
Skólastjórinn Vigdís Grímsdóttir leiðbeinir Jóhönnu Engilráð. mbl.is/Golli

Hún hefur vetursetu í Árneshreppi en á sumrin dvelur hún hins vegar oft annars staðar. Því er hins vegar öfugt farið með flesta sem hópast í hreppinn á sumrin til strandveiða, þjónustustarfa og sumarfría.

 „Það er gaman að kenna i fámennum skóla. Og við sjáum allaf fyrir okkur að hingað fari að þyrpast nemendur. Draumur er tækifæri,“ segir Vigdís. „Nemendurnir eru ekki komnir en þeir koma.“

En hvað þarf að gerast svo að það verði raunin?

„Fólk vill helst ekki búa þar sem ekki eru samgöngur allt árið,“ segir Hrefna. „Og þar sem ekki er læknir, það er vont fyrir fólk með ung börn,“ bætir Vigdís við. „Það er hægt en það þarf kjark til þess,“ segir Hrefna.

Engin einangrun

Elín Agla bendir á að eitthvað stórkostlegt hafi breyst í hugsun fólks á síðustu áratugum. „Héðan af Ströndum fór enginn til Vesturheims á sínum tíma. Þetta var svo mikil matarkista, fólk gat lifað hér góðu lífi. En svo breyttist eitthvað í samfélaginu og þankaganginum og nú finnst flestum að það sé ekki hægt að búa hér. Fólk segir það bókstaflega. Því langar jafnvel að setjast hér að en segir það einfaldlega ekki hægt. Það er eitthvað í hugsun okkar sem hefur breyst.“

Vigdís segir að fólk telji að einangrunin í Árneshreppi sé of mikil. „En þannig er það alls ekki. Hér kemur maður miklu í verk því það er ekki þetta stöðuga áreiti. Einangrun er alltaf aðeins í huga fólks, ekki í landinu sjálfu.“

Elín Agla bendir á að engin opinber störf, sem hægt er t.d. að vinna í fjarvinnu, hafi verið búin til eða flutt í Árneshrepp. „Þrjú slík störf hér væru atvinnubylting,“ bendir hún á.

Horft út um gluggann á Finnbogastaðaskóla. Við blasa tvær kirkjur ...
Horft út um gluggann á Finnbogastaðaskóla. Við blasa tvær kirkjur sem mikill styr stóð um fyrir nokkrum áratugum. mbl.is/Golli

Þær benda á að ósnortið land, kyrrð og ró, sé sífellt að verða mikilvægara í samfélagi manna. Að auki sé þetta mjög dýrmæt auðlind í ferðaþjónustu sem er orðin stærsta atvinnugrein á Íslandi. Árneshreppur gæti verið kjörlendi til að virkja þessa krafta til að laða að ferðamenn, jafnvel allan ársins hring. Myrkrið, norðurljósin og kyrrðin gætu verið fjársjóðir til framtíðar. „Margir hafa aldrei upplifað slíkt þó að okkur Íslendingum finnist það sjálfsagt í dag. Það er fullt af fólki sem hefur aldrei upplifað myrkur, svo dæmi sé tekið,“ segir Hrefna. „Ef fólk vill setjast hér að og skapa sér atvinnu ætti allt að vera hægt. Möguleikarnir eru miklir.“

Telur að menn eigi eftir að sjá að sér

Spurð hvort þær telji að niðurstaðan verði sú að hætt verði við virkjunina segist Vigdís vera bjartsýn á það. „Auðvitað, það hvarflar ekki að mér að menn leggist svona lágt að fara að eyðileggja landið. Þessi hugsunarháttur á bara að vera liðinn. Ég held að það verði engin virkjun. Ég held að menn eigi eftir að sjá að sér.“

Hrefnu finnst málið fyrst og fremst sorglegt. „Mér finnst sorg í því að þetta sé að gerast á þessum tíma og mér finnst sorg í því að það séu utanaðkomandi öfl sem séu að reyna að reka fleyg í samfélagið hérna. Það er ekki okkar vilji, að fara upp á móti hvert öðru.“

 „Þetta er rosalega stórt mál að leggja á hreppsnefnd í litlu sveitarfélagi,“ segir Elín Agla. Í Árneshreppi eru persónukosningar þar sem kosning er ekki bundin við framboð. Fólk getur aðeins skorast undan nefndarsetu að uppfylltum ákveðnum skilyrðum. „Það er mikið lagt á þessa sveitarstjórn á þessum tíma, þar sem reynt er að halda því fram að virkjun gæti skipt sköpum um framtíð búsetu í hreppnum.“

Þrúgandi farg á herðunum

Hrefna situr í hreppsnefndinni. Hún hefur ekki tölu á þeim klukkustundum eða þeim blaðsíðum sem hún hefur lesið til að kynna sér málið til að geta tekið upplýsta ákvörðun.

„Það er bara þrúgandi að hafa þetta farg á herðunum,“ viðurkennir hún. „Mér finnst eitthvað athugavert við það að það þurfi þrjár manneskjur í Árneshreppi til að taka þessa stóru ákvörðun. Þetta er risavaxið verkefni og óhemjumikil vinna að skoða framkvæmdina fyrirhuguðu og möguleg áhrif hennar hér. En þetta þurfum við engu að síður að gera til að geta tekið ákvörðunina eins og okkur ber að gera lögum samkvæmt.“

Í Árneshreppi eru 46 með lögheimili og 30 hafa vetursetur ...
Í Árneshreppi eru 46 með lögheimili og 30 hafa vetursetur í hreppnum. Um áramót verður 80 ára skólasaga hreppsins rofin. mbl.is/Golli

Hrefna hefur óskað eftir því að frekari umfjöllun hreppsnefndar um málið í heild verði frestað þar til línur fari að skýrast í bókstaflegri merkingu; þ.e. hvernig virkjunin verði tengd við flutningsnetið og hvar. „Það á engin leyfi að gefa fyrr en það er alveg á hreinu hvort að hægt er leggja jarðstreng í stað háspennulína frá virkjuninni og hvar tengipunktur verður.“

Þá sé enn fleiri mikilvægum spurningum ósvarað, s.s. í hvað nota eigi raforkuna sem Hvalárvirkjun á að framleiða.

Hún segir raforkuframleiðslu á Íslandi það mikla að hún eigi að nægja fyrir íbúa landsins og atvinnulífið. „En ef við ætlum að halda áfram að láta mestan hluta raforkunnar fara til risafyrirtækja þá er ekki nóg af henni og þá þarf að ganga frekar á auðlindirnar okkar,“ segir Hrefna. „Þetta er því pólitísk spurning, hvaða stefnu við viljum taka.“

Kraftur fæst við mörk víðerna

Elín Agla flutti fyrst til Árneshrepps árið 2007. Hún segist þó aðeins nýlega hafa áttað sig á því hvað það sé sem geri þennan stað svo magnaðan. „Það er af því að Árneshreppur er algjörlega við mörk víðerna. Vegurinn endar hér. Það hefur áhrif á allt og alla.“ Hún segir málið ekki snúast um það hvort að hún og aðrir sjái virkjunina á heiðinni eða ekki. Þetta snúist um það að vita af henni. Ákvörðun og framkvæmd sem þessi verði aldrei tekin til baka og hún hafi miklu meiri afleiðingar en fólk átti sig almennt á. „Að brjóta þetta svæði undir virkjun breytir því hver við erum sem fólk,“ segir Elín Agla með áherslu, „hvort sem er hér í þessu litla samfélagi eða sem þjóð. Við verðum öðruvísi með því að fara svona gegn náttúrunni. Að græða megi á öllu er ekki lífvænleg menning til lengdar. Það er svo mikið í húfi, þetta er svo stórt inngrip. Hér hefur fólk í þessu fíngerða samfélagi lifað með náttúrunni í yfir þúsund ár. Því mun ljúka með þessu. Það er eins og náttúrulögmál í mínum huga að þegar við sigrumst á víðernum þá töpum við heima fyrir.“

Jóhanna og Vigdís Grace liggja yfir námsbókunum í Finnbogastaðaskóla.
Jóhanna og Vigdís Grace liggja yfir námsbókunum í Finnbogastaðaskóla. mbl.is/Golli

Hún er þó ekki bjartsýn á að hætt verði við virkjanaáformin. „Ég hef ekki mikla trú á því. Ég er nú orðin það sjóuð að ég hef séð þetta gerast áður, þar sem peningavöld og pólitísk öfl hafa betur.“

Í hennar huga er málið í raun mjög einfalt. Með virkjun sé verið að fara gegn náttúrunni og skerða mikil víðerni. „Þarna er einkafyrirtæki sem vill hámarka arð sinn til hluthafa. Sá stærsti er Kanadamaður. Þarna eru svo landeigendur að fá verulegar fjárhæðir, annar þeirra er ítalskur barón. Þetta eru staðreyndir sem við þurfum að muna þegar við hlustum á röksemdir þeirra.”

mbl.is

Bloggað um fréttina

Innlent »

Segir starfsfólki Hvals meinað að vera í VLFA

Í gær, 23:40 Vilhjálmur Birgisson, formaður Verkalýðsfélags Akraness (VLFA), segir að starfsfólki Hvals hf. hafi verið meinað að vera meðlimir í félaginu á fundi með forsvarsmönnum Hvals hf. í morgun. Frá þessu greinir hann á Facebook-síðu sinni en hvalveiðar hófust að nýju í dag. Meira »

Tóku sólinni opnum örmum

Í gær, 22:48 Þar kom að því að allir landsmenn fengu að njóta sólarinnar. Sú gula lét sjá sig um allt land í dag og þótt ekki hafi verið mjög hlýtt þar sem vind­ur stend­ur af hafi komst hiti á nokkrum stöðum yfir 20 gráður. Mesti hiti á landinu í dag mældist í Árnesi, 20,7 gráður. Meira »

Eldur í bíl í Krýsuvík

Í gær, 21:55 Slökkviliðið á höfuðborgarsvæðinu var kallað út að Krýsuvíkurvegi um klukkan átta í kvöld vegna elds í bíl. Eldurinn kviknaði þegar bíllinn var í akstri. Að sögn slökkviliðsins gekk vel að slökkva eldinn en bíllinn er illa farinn, ef ekki ónýtur. Meira »

Ný bæjarstjórn Hafnarfjarðar kom saman

Í gær, 21:45 Fyrsti fundur nýrrar bæjarstjórnar Hafnarfjarðar fór fram í kvöld. Á fundinum var lagður fram samstarfssáttmáli nýs meirihluta Bæjarstjórnar Hafnarfjarðar 2018-2022 og kosið í ráð og nefndir á vegum bæjarins. Ágúst Bjarni Garðarsson var kjörinn formaður bæjarráðs og Kristinn Andersen forseti bæjarstjórnar. Meira »

Fékk ljómandi fína klippingu í Moskvu

Í gær, 21:40 „Ég var sú eina af mínum vinum sem fékk miða á alla þrjá leikina þannig ég var lengi á báðum áttum hvort ég ætti að fara eða ekki, en svo ákvað ég að slá bara til. Þetta hlyti að verða skemmtilegt,“ segir Sigrún Helga Lund Rússlandsfari. Meira »

Gengur fram af stjórnanda sínum

Í gær, 21:23 „Hún er fáránlega góður búktalari og byrjaði mjög ung að æfa sig í búktali, þegar hún var aðeins 9 ára,“ segir Margrét Erla Maack um bandaríska búktalarann Cörlu Rhodes sem er á leið til Íslands til að koma fram með Reykjavík Kabarett, en líka til að halda búktalsnámskeið fyrir bæði börn og fullorðna. Meira »

Reykjadalurinn var "stelpaður" 19. júní

Í gær, 21:11 Kvenréttindadagurinn var víða haldinn hátíðlegur og margar samkomur haldnar í tilefni dagsins. Samkomurnar voru fjölbreyttar, en sem dæmi „stelpuðu“ hjólakonur frá hjólreiðafélaginu Tind Reykjadalinn. Meira »

Sverrir Mar býður sig fram til formennsku ASÍ

Í gær, 20:35 Sverrir Mar Albertsson, framkvæmdastjóri AFLs starfsgreinasambands, hefur ákveðið að bjóða sig fram til formennsku í Alþýðusambandinu á þingi sambandsins í október. Þetta staðfestir hann í samtali við mbl.is. Meira »

41,5 milljarða afgangur af rekstri sveitarfélaga

Í gær, 20:08 Tekjur sveitarfélaga, sem falla undir A- og B-hluta starfsemi þeirra, námu 405,5 milljörðum króna í fyrra og jukust um 7% á milli ára. Hlutdeild sveitarfélaga í tekjum hins opinbera er nú 28,5 prósent og hefur ekki verið hærri í fimmtán ár, hið minnsta. Þetta kemur fram í skýrslu Íslandsbanka um íslensk sveitarfélög, sem kom út í dag. Meira »

Mikil fjölgun katta vegna húsnæðisvanda

Í gær, 19:13 Algjör sprenging hefur orðið í pöntunum á Hótel Kattholt og er hótelið nú fullbókað, mun fyrr en síðustu ár. Halldóra Snorradóttir, starfsmaður í Kattholti, segist tengja það beint við leiðinlegt veðurfar hér á landi það sem af er sumri. Meira »

Frú Ragnheiður auglýsir eftir tjöldum

Í gær, 18:54 Frú Ragnheiður — Skaðaminnkun, sem er verkefni á vegum Rauða Krossins Í Reykjavík, auglýsir eftir tjöldum fyrir heimilislausa skjólstæðinga sína. Alls hefur heimilislausum í Reykjavík fjölgað um 95% á síðustu fimm árum og voru um það bil 350 manns skráðir heimilislausir aðeins í Reykjavík í fyrra. Meira »

Tveir unnu 16 milljónir í Víkingalottó

Í gær, 18:42 Fyrsti vinningur gekk ekki út í Víkingalottóútdrætti kvöldsins en tveir skiptu með sér öðrum vinningi og fær hvor þeirra rúmar 16 milljónir króna í vinning. Miðarnir voru keyptir í Eistlandi og Finnlandi. Meira »

Vilja bæta aðstæður fyrrum fanga

Í gær, 18:35 Ásmundur Einar Daðason, félags- og jafnréttismálaráðherra, hefur skipað starfshóp sem fjalla á um leiðir til að bæta félagslegar aðstæður þeirra sem hafa lokið afplánun fangelsisdóma. Þetta kemur fram í tilkynningu frá Stjórnarráðinu. Meira »

Tvær milljónir í skordýr

Í gær, 18:28 Þýsku hjónin Christin Irma Schröder og Torsten Ullrich urðu hlutskörpust í matvælasamkeppni þar sem kepptu hugmyndir er varða nýtingu jarðvarma til framleiðslu matvæla. Verkefni þeirra snýr að nýtingu jarðhita til ræktunar á skordýrum og hlutu þau m.a. tvær milljónir króna í verðlaun. Meira »

Virðir Gylfa fyrir að stíga til hliðar

Í gær, 17:59 „Fyrstu viðbrögð eru bara þau að það er gott að þetta sé komið á hreint,“ segir Ragnar Þór Ingólfsson, formaður VR, inntur eftir viðbrögðum við þeirri ákvörðun Gylfa Arnbjörnssonar, forseta ASÍ, að bjóða sig ekki fram til endurkjörs á þingi Alþýðusambandsins í október. Meira »

Byrðunum lyft af þeim veikustu

Í gær, 17:48 Hlutfall Sjúkratrygginga Íslands í heildarútgjöldum einstaklinga sem nýta sér heilbrigðisþjónustu hefur hækkað úr 74% í 82% frá því að breytt greiðsluþátttökukerfi tók gildi 1. maí í fyrra. Heildarútgjöld sjúklinga eru um 1,5 milljörðum króna lægri á ársgrundvelli en áður. Meira »

Hreyfingunni fyrir bestu segir Gylfi

Í gær, 16:51 „Þetta hefur verið að gerjast hjá mér í nokkra mánuði,“ segir Gylfi Arnbjörnsson, forseti Alþýðusambands Íslands. Á fundi miðstjórnar ASÍ í dag gerði hann grein fyrir því að hann ætlar ekki að gefa kost á sér til endurkjörs á 43. þingi ASÍ sem haldið verður 9. október. Meira »

Gjaldtöku hætt í september

Í gær, 16:33 Gjaldtöku í Hvalfjarðargöngum verður hætt í september og tekur ríkið við göngunum í haust. Þetta kemur fram í frétt á vefsíðu Spalar, en einkahlutafélaginu Speli verður slitið eftir að göngin verða afhent ríkinu en ríkið ætlar ekki að ráða neinn til sín úr núverandi starfsmannahópi Spalar. Meira »

Samfylkingin fordæmir aðskilnað fjölskyldna

Í gær, 16:31 „Það á ekki að líðast að börn séu notuð sem skiptimynt í pólitískum deilum.“ Þetta kemur meðal annars fram í yfirlýsingu sem þingflokkur og framkvæmdastjórn Samfylkingarinnar hefur sent frá sér vegna framferði Bandaríkjastjórnar að aðskilja börn og foreldra við landamæri Bandaríkjanna til suðurs. Meira »
Vantar gæslu fyrir kisu/kisann?
www.kattholt.is rekur hótel fyrir kisu/kisann. kattholt@kattholt.is // s;567 ...
Jötul kamína.
Til sölu kamína frá JÖTUL ,hitar vel kr.60 þúsund,tvöfaldur Reykhávur getur fyl...
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 197.000 km...