Rútubílstjórinn sem ók rútunni sem lenti í slysinu við Kirkjubæjarklaustur hefur verið útskrifaður af sjúkrahúsi. Þetta staðfestir Fjalar Úlfarsson, framkvæmdastjóri Hópferðabíla Akureyrar.

Rútubílstjórinn, sem er á sjötugsaldri, var einn þeirra 12 sem fluttir voru á Landspítala með þyrlum Landhelgisgæslunnar á miðvikudaginn eftir slysið en hann hlaut mjög þungt höfuðhögg og skarst illa í andliti og á hendi þegar rútan valt. 

Maðurinn var útskrifaður af Landspítalanum í gærkvöldi. Enn liggja sjö ferðamenn úr rútunni á Landspítala, tveir þeirra þungt haldnir á gjörgæslu en fimm á legudeildum. Vonast er til að hægt verði að útskrifa tvo þeirra fimm sem eru á legudeildunum í dag.

Tengdar fréttir

Rútuslys við Kirkjubæjarklaustur

Sex mánaða dómur vegna rútuslyss

• Fær sex mánaða dóm vegna rútuslyss
• Lést í kjölfar rútuslyssins
• Tveir enn á sjúkrahúsi eftir rútuslys
• Enn þá einn á gjörgæslu

» Fleiri tengdar fréttir

• Blogga um frétt