Landsréttur kvað upp sinn fyrsta úrskurð í morgun þegar hann staðfesti úrskurð Héraðsdóms Reykjavíkur um að karlmaður skuli sæta áfram gæsluvarðahaldi til 26. janúar vegna tilraunar til manndráps.
Úrskurður héraðsdóms frá 30. desember var kærður til Landsréttar 2. janúar.
Maðurinn er ákærður fyrir að hafa þriðjudagskvöldið 3. október ruðst inn í íbúð í Reykjavík og stungið manneskju sem var gestkomandi í íbúðinni í kviðinn með þeim afleiðingum að hún hlaut stungusár neðan við nafla.
Þrír aðrir voru með manninum í för og voru þeir vopnaðir hnífum og brúsum með piparúða.
Maðurinn var fyrst úrskurðaður í gæsluvarðhald til 7. október vegna árásarinnar. Hann hefur játað að hafa veist að brotaþola með hnífi í íbúðinni.
Brotið getur varðað allt að tíu ára fangelsi.