„Við erum að yfirgefa vettvang,“ segir Oddur Hallgrímsson, varðstjóri hjá slökkviliðinu á höfuðborgarsvæðinu, í samtali við mbl.is. Slökkviliðið vann að því í morgun að moka burt rústum af hús­inu sem brann við Reykja­braut í Mos­fells­bæ í nótt.

Slökkviliðinu barst tilkynning um eld í húsinu laust fyrir klukkan þrjú í nótt. Fimm manna fjölskylda bjargaði sér út í gegnum svefnherbergisglugga en húsið er talið ónýtt.

Oddur segir að slökkvilið hafi fjarlægt það sem helst gat fokið. Mikill vindur var á svæðinu og slökkviliðsmenn komu í morgun í veg fyrir að stórar járnplötur fykju.

„Húsið er algjörlega horfið,“ segir Oddur þegar hann er spurður um stöðuna á húsinu. Lögregla mun í framhaldinu rannsaka eldsupptök.

Húsið varð fljótt alelda. Ljósmynd/Sumarliði Gunnar Halldórsson

Tengdar fréttir

Óveður í janúar

Varað við staðbundnu flóði

• Tjónum ekki fjölgað og fólk gerir ráðstafanir
• Stormurinn í beinni
• Lausamunir geta líka verið stórir
• Stórhættuleg hálka á stígum

» Fleiri tengdar fréttir

Eldsvoðar aðfaranótt 9. janúar

Fjölskyldan komin með húsnæði

• Safna fjárstyrkjum fyrir fjölskylduna
• „Átti ekki orð yfir gjafmildinni“
• „Þetta var alveg á ystu nöf“
• Enn á gjörgæslu eftir eldsvoðann

» Fleiri tengdar fréttir

• Blogga um frétt