Nuddarinn gekk of langt

Ásdís Hjálmsdóttir kastar spjótinu.
Ásdís Hjálmsdóttir kastar spjótinu. AFP

Spjótkastarinn og afreksíþróttamaðurinn Ásdís Hjálmsdóttir á eina af frásögnunum sem íþróttakonur birtu í gær vegna kynbundins ofbeldis í þeirra garð. Atvikið sem um ræðir gerðist á heimsmeistaramótinu í frjálsum íþróttum í Moskvu árið 2013, tveimur dögum áður en hún átti að keppa fyrir Íslands hönd.  

Rússneskur nuddari sem mótshaldarar höfðu útvegað henni áreitti hana kynferðislega er hún á lá nuddbekknum í von um að fá þá nauðsynlegu meðhöndlun sem hún þurfti á að halda.

Úr frásögn Ásdísar:

Fyrir nokkrum árum keppti ég á stórmóti í frjálsum og líkt og tíðkast var hvorki sendur sjúkraþjálfari né nuddari með okkur. Þetta skiptið var að sjálfsögðu engin undantekning. Ég þurfti hinsvegar meðferð fyrir mótið svo ég neyðist til að fara til nuddara sem mótshaldari útvegar. Hafið í huga að þetta er nokkrum dögum áður en ég keppi á móti þar sem öll þjóðin ætlast til þess að maður toppi!“

Ásdís á verðlaunapalli.
Ásdís á verðlaunapalli. mbl.is/Árni Sæberg

Frásögnin heldur áfram:

„Þegar ég kem inn í salinn þá hitti ég tvo karlmenn í kringum fertugt og þegar ég segi að ég þurfi nudd sé ég strax glott á þeim báðum og svo skiptast þeir á einhverjum voðalega sniðugum athugasemdum á sínu tungumáli sem ég tala ekki, sem voru augljóslega um mig. Annar þeirra er svo nuddarinn minn og ég ætla ekkert að fara í smáatriði en ég hafði farið í nudd svo til vikulega síðustu 12 árin á þessum tímapunkti og ég veit að hann gekk of langt. Hann var mjög lúmskur til að byrja með og fór svo alltaf lengra uppí nárann á mér og fleira í þeim dúr.

Allan tímann var hann að spjalla við mig á mjög brotinni ensku og ég myndi helst lýsa því eins og misheppnaðri viðreynslu á bar. Það langversta var svo þegar ég lá á maganum og hann var búinn að taka handklæðið af mér því hann var að nudda á mér rassinn. Allt í einu stoppar hann og tekur báðar hendurnar af mér í smá stund og segir ekki neitt. Ég hef enga hugmynd um hvað hann var að gera en ég er handviss um að hann hafi tekið mynd af mér á símann sinn sem hann var með í vasanum og alltaf að taka upp með annarri hendinni annað slagið.

Eftir herlegheitin þegar við löbbum út og ég var í algjöru sjokki eftir þessa meðferð þá kemur hinn maðurinn sem ég hefði hitt þegar ég kom. Þeir skiptast aftur á athugasemdum á sínu tungumáli og hlæja og svo mælir hann mig alla út áður en þeir segja að ég þurfi að koma aftur sem fyrst. Það er eiginlega erfitt að koma almennilega í orð hversu ótrúlega niðurlægjandi og óþægilegt þetta var allt saman. Enn þann dag í dag veit ég ekki nema þessi pervert sé með mynd af mér liggjandi á maganum á g-streng í símanum sínum.“

Ásdís setti glæsilegt Íslandsmet á Ólympíuleikunum í London 2012.
Ásdís setti glæsilegt Íslandsmet á Ólympíuleikunum í London 2012. mbl.is/Golli

Enginn sjúkraþjálfari sendur á stórmót

Ásdís var eini íslenski keppandinn á HM í Rússlandi. Aðeins þjálfarinn hennar var með henni á mótinu og enginn sjúkraþjálfari. Hún bendir á að Frjálsíþróttasamband Íslands hafi hvorki sent sjúkraþjálfara né nuddara á stórmót í frjálsíþróttum frá árinu 2006. Það hafi eingöngu verið gert þegar Ísland hefur tekið þátt í Evrópubikarkeppni landsliða.

Þess í stað hafa keppendur sjálfir þurft að útvega sér sjúkraþjálfara eða fengið slíkan í gegnum mótshaldara og þá einhvern sem þeir hafa líkast til aldrei hitt áður, eins og gerðist í tilfelli Ásdísar í Moskvu. Þjálfari Ásdísar hefur oft þurft að meðhöndla hana fyrir mót, líkt og raunin er í dag og segist hún vera heppin að geta notið aðstoðar hans.

„Þetta er sérstaklega alvarlegt út af því á hvaða tímapunkti þetta gerist. Við erum tvö ein og ég þarf að fá meðferð rétt fyrir keppni,“ segir Ásdís í samtali við mbl.is og nefnir að vegna ofbeldisins í hennar garð hafi hún ekki treyst sér til að fá þá meðhöndlun sem hún þurfti á að halda.

Ásdís hjá íslenska fánanum á Ólympíuleikunum.
Ásdís hjá íslenska fánanum á Ólympíuleikunum.

Nakin á bekk hjá ókunnugum manni

Hún bætir við að það hafi verið kaldhæðnislegt eftir mótið þegar hún var fyrst spurð að því í viðtali við íslenskan fréttamann í beinni útsendingu hvað hafi klikkað og að hlutirnir hafi ekki gengið nógu vel. „Ég stóð mig allt í lagi á mótinu, kastaði tæpa 58 metra. Þetta var alls ekkert frábært en alls ekkert slæmt. Ég endaði aðeins ofar en ég hafði komið inn í mótið,“ útskýrir hún.

„Þetta er ein af ástæðunum fyrir því að mér fannst mikilvægt að segja þessa sögu og koma fram undir nafni. Núna er verið að tala um hvað er hægt að gera til að laga þetta. Það eru margar mun alvarlegri sögur en mín en það þýðir ekki að hefði ekki getað farið eins illa,“ segir Ásdís.

„Þetta er mjög viðkvæmt þegar þú ert að fara í svona meðferð. Þú liggur eiginlega nakinn á bekk hjá einhverjum ókunnugum og þú ert aldrei eins varnarlaus. Þú ert algjörlega að setja lífið þitt í lúkurnar á einhverjum öðrum og það er mjög auðvelt að beita einhvern ofbeldi í þessari stöðu.“

Hún heldur áfram: „Á hverju einasta stórmóti, á hverju einasta ári hef ég þurft að fá meðhöndlun hjá þjálfaranum mínum eða einhverju ókunnugu fólki sem ég þekki ekki neitt einhvers staðar utan úr heimi vegna þess að sérsambandið sendir engan með til þess að hugsa um sitt fólk. Þarna er verið að bjóða hættunni heim og þetta er eitthvað sem virkilega þarf að endurskoða. Ég veit að það er peningaskortur og er ekki auðvelt en það er margt sem er flóknara að laga heldur en þetta.“

Ljósmynd/Guðmundur Karl

Fékk enga meðhöndlun fyrir HM í Peking

Ásdís bendir á að fyrir heimsmeistaramótið í frjálsum íþróttum í Peking árið 2015 hafi henni verið boðið að fá meðhöndlun fyrir mót í gegnum mótshaldarann en hún hafi ekki viljað það. Fyrir vikið fékk hún enga meðhöndlun áður en hún keppti fyrir Íslands hönd.

Hún bætir við að afsláttur sé gefinn af umgjörðinni í kringum íþróttamenn en enginn afsláttur af væntingunum til þeirra. Það tvennt fari ekki saman.

Spurð hvort hún hafi ekki kvartað yfir stöðu mála segist hún margoft hafa bent Frjálsíþróttasambandi Íslands á vandamálið. „Ég hef alltaf fengi þau svör að það séu ekki til peningar.“

Þarf að komast upp á yfirborðið

Ásdís fagnar því að íþróttakonur hafi stigið fram og birt frásagnir sínar og hvetur þær til dáða að segja frá því ef brotið er á þeim kynferðislega. Á þessum tíma vildi hún ekki segja frá því sem gerðist vegna þess að henni fannst það óþægilegt og vildi ekki vera að greina frá því opinberlega. Núna hefur hún kosið að stíga fram.

„Ég vona að fleiri stelpur og konur sem hafa lent í svona sjá að þetta var ekki þeirra sök. Það er enginn að fara líta niður á þær. Það þarf að taka á þessu og til að taka á þessu þarf þetta að komast upp á yfirborðið.“

mbl.is

Bloggað um fréttina

Innlent »

Ákærðir fyrir 15 milljóna skattabrot

10:05 Embætti héraðssaksóknara hefur ákært tvo karlmenn fyrir meiri háttar brot gegn skattalögum með því að hafa á árunum 2015 og 2016 ekki staðið skil á staðgreiðslu einkahlutafélags sem þeir stýrðu, en heildarupphæðin nemur um 15,5 milljónum króna. Meira »

Tvisvar ákært fyrir að hrækja á lögreglu

09:59 Í síðustu viku voru þrjú mál þingfest þar sem ákært er fyrir brot gegn valdstjórninni, það er fyrir brot gegn lögreglumönnum við störf sín. Í tveimur þessara mála er ákærði sakaður um að hafa hrækt að lögreglumönnum. Meira »

Ákærður fyrir kynferðisbrot gegn stúlku

09:48 Embætti héraðssaksóknara hefur ákært karlmann fyrir kynferðis- og barnaverndarlagabrot gagnvart stúlku sem nú er 17 ára, en meint brot áttu sér stað þegar stúlkan á aldrinum 13 til 15 ára gömul. Meira »

Eyða nær fimmfalt meira í Reykjavík en á Hvammstanga

08:18 Töluverður munur er á útgjöldum ferðamanna eftir því hvaða staði á landinu þeir heimsækja.  Meira »

Stór skjálfti í Bárðarbungu

08:00 Jarðskjálfti sem mældist 3,6 stig varð núna rétt fyrir klukkan sjö í morgun í Bárðarbunguöskjunni.  Meira »

Sala á gulum vestum hefur tekið kipp

07:37 Sala á gulum vestum í verslun Húsasmiðjunnar í Kjalarvogi hefur tekið kipp, segir Finnur Guðmundsson, framkvæmdastjóri fagsölusviðs Húsasmiðjunnar. Meira »

Fer langleiðina í 50 metra á sekúndu

06:56 Spáð er miklu hvassviðri í dag og undir kvöld verður kominn austanstormur eða -rok allra syðst á landinu og gætu hviður farið langleiðina upp undir 50 m/s á þeim slóðum. Annars staðar verður þetta meira 15-23 og hviður að 35-40 m/s samkvæmt upplýsingum frá Veðurstofu Íslands. Meira »

Nýtt netaverkstæði rís í Neskaupstað

06:00 Framkvæmdir standa yfir við nýtt netaverkstæði Fjarðanets í Neskaupstað. Er áætlað að það verði tilbúið í mars á næsta ári. Nýja verkstæðið verður mun stærra en það gamla og mun tilkoma þess leiða til algjörrar byltingar í starfsemi og þjónustumöguleikum Fjarðanets á Austurlandi. Þetta segir Jón Einar Marteinsson, framkvæmdastjóri Fjarðanets. Meira »

Vara við grunsamlegum mannaferðum

05:59 Lögreglan á Norðurlandi eystra varar fólk við grunsamlegum mannaferðum í þéttbýli sem dreifbýli en tilkynnt var um tvö innbrot á Akureyri um helgina og nokkuð um tilkynningar vegna grunsamlegra mannaferða við sveitarbæ í umdæminu. Meira »

Ferðaþjónusta í nýtt útboð

05:30 Á fundi bæjarráðs Kópavogs í síðustu viku var lagt fram erindi frá sviðsstjóra velferðarsviðs þar sem óskað var eftir heimild bæjarráðs til að mega leysa Efstahól ehf. undan samningi um ferðaþjónustu fatlaðra ásamt erindi Efstahóls vegna málsins. Meira »

Styðja við fjölmiðla

05:30 Samning frumvarps um rekstrarumhverfi einkarekinna fjölmiðla er langt komin og er stefnt að því að kynna frumvarpsdrögin í Samráðsgáttinni í janúar, að sögn Lilju Daggar Alfreðsdóttur, mennta- og menningarmálaráðherra. Meira »

Ríkið mun ekki bæta miklu við

05:30 „Á næstu árum mun fólki á eftirlaunum fjölga meira en fólki á vinnumarkaði. Kostnaður ríkissjóðs vegna aldurstengdra sjúkdóma og þjónustu við aldraða mun að öllum líkindum aukast. Þeir sem hætta að vinna geta því ekki búist við að hið opinbera bæti miklu við eftirlaunin.“ Meira »

Alþingi setur áfram lögin

05:30 „Af minni hálfu stendur ekki til að styðja mál sem felur í sér framsal, hvorki á auðlindum né á meiri háttar ákvarðanatöku um lagaumgjörð fyrir okkur. Hins vegar er því haldið fram að málið mögulega standist ekki stjórnarskrá. Þetta eru atriði sem við viljum fara vandlega yfir. Meira »

Bára í skýrslutöku í héraðsdómi

05:30 Bára Halldórsdóttir, sem sagst hefur standa á bak við upptöku af ósæmilegu framferði þingmanna á barnum Klaustri, hefur verið boðuð til þinghalds í Héraðsdómi Reykjavíkur í dag klukkan korter yfir þrjú. Meira »

Sjá Heklugos með lengri fyrirvara

05:30 Fjölgun nákvæmra mælitækja við Heklu á að gera jarðvísindamönnum kleift að sjá óróleika í eldstöðinni fyrir með lengri fyrirvara en áður hefur verið mögulegt. Meira »

Viðbrögðin jafn vitlaus og ummælin

Í gær, 22:18 Helgi Magnús Gunnarsson vararíkissaksóknari segir lítinn hóp vinstri manna virðast telja sig dómara um hvað sé siðferðilega rétt og virðist þar taka undir með pistli sem Sigmundur Davíð Gunnlaugsson, formaður Miðflokksins, birtir á vef sínum í dag. Meira »

„Allt að því vitlaust veður“ á morgun

Í gær, 21:52 „Það hvessir jafnt og þétt eftir því sem líður á morgundaginn. Eftir kl. 17–18 þá verður þetta orðið helvíti slæmt undir Eyjafjöllunum og allra syðst á landinu en þetta gengur nokkuð hratt yfir þannig að um tíu annað kvöld er strax farið að draga stórlega úr þessu allra syðst,“ segir veðurfræðingur. Meira »

Snjóleysi hefur áhrif á sölu jólatrjáa

Í gær, 20:30 Sala á jólatrjám gengur nokkuð vel þrátt fyrir að landsmenn séu margir hverjir ekki enn komnir í jólaskap sökum snjóleysis og almennra leiðinda þegar kemur að veðri. Normannsþinur og íslensk fura í stærðinni 1,5 – 2 metrar eru vinsælustu tegundirnar. Forseti Íslands keypti sér danskt jólatré. Meira »

Gefa geitur, skólastofur og smokka

Í gær, 19:45 Um árabil hefur verið hægt að styrkja góð málefni um hátíðirnar með gjafabréfum. Sífellt bætist í flóruna og verkefnin sem hægt er að styrkja eru mörg. Salan er mikilvæg fjáröflun fyrir samtök og stofnanir á borð við Hjálparstarf kirkjunnar, UNICEF á Íslandi og UNWomen. Meira »
Bátavélar 58 hp með gír
Eigum á á lager , góðar vélar 58 hp (43,3 kw) með gír og mælaborði og tilheyrand...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Byggingarstjóri
Löggildur byggingarstjóri Sími 659 5648 stebbi_75@hotmail.com ...
Mitsubishi Pajero - Instyle - Árg. 2007 - ek. 172þ km - kr. 1.350.000,-
Bíllinn er með olíufíringu og led ljóskösturum. Sumar- og vetrardekk (nagladekk)...