Héraðsdómur Suðurlands hefur fallist á kröfu lögreglustjórans á Suðurlandi um að manni, sem var handtekinn fyrir rúmri viku vegna rannsóknar á mannsláti á heimili hans, verði gert að sæta áframhaldandi gæsluvarðhaldi allt til kl. 16:00 mánudaginn 7. maí á grundvelli almannahagsmuna.
Maðurinn sem er í haldi lögreglu var handtekinn ásamt bróður sínum eftir að tilkynnt hafði verið um andlát bróður þeirra. Merki voru um átök þegar lögreglu bar að garði og voru bræðurnir handteknir í kjölfarið. Öðrum þeirra var síðar sleppt.