Telja að setið sé um Rússland

Albert Jónsson, fyrrverandi sendiherra, á fundinum í dag.
Albert Jónsson, fyrrverandi sendiherra, á fundinum í dag. mbl.is/Kristinn Magnússon

Fullt var út að dyrum á hádegisfundi Varðbergs um utanríkisstefnu Rússlands, áhrif á norðurslóðum og stöðu Íslands sem fram fór í dag þar sem Albert Jónsson, fyrrverandi sendiherra í Bandaríkjunum og Rússlandi, flutti erindi. Þar kom meðal annars fram að viðskiptaþvinganir vestrænna ríkja gegn Rússum hefðu ekki verið að hafa tilætluð áhrif og myndu ekki hafa þau. Meðal annars vegna þess að þau væru notuð heimafyrir af rússneskum stjórnvöldum í áróðursskyni.

Fjallaði Albert í því sambandi um stöðu mála innan Rússlands þar sem stefna stjórnvalda byggðist fyrst og fremst á mikilvægi áhrifasvæðisins og því að varðveita ríkisvaldið. Sagði hann Rússland ekki vera stórveldi í raun. Einkum og sér í lagi ekki efnahagslega. Nema þá aðeins svæðisbundið og að einhverju leyti í ljósi þeirrar staðreyndar að þeir byggju yfir kjarnorkuvopnum. Rússland stæði hins vegar veikum fótum efnahagslega.

„Hernaðaríhlutun Rússa í átökunum í Sýrlandi, sem hófst haustið 2015, hún réðist að miklu leyti af sýn Rússlandsstjórnar á alþjóðamálin og alþjóðakerfið og hvernig Vesturlönd, einkum Bandaríkin, reyndu að hafa yfirburðastöðu í alþjóðakerfinu og þá fyrst og fremst til þess að skáka Rússlandi,“ sagði Albert. Málið hafi í grunninn snúist um óánægju Rússa með ráðandi stöðu Bandaríkjanna í alþjóðakerfinu og ítrekuð afskipti Vesturlanda af innanlandsmálum ríkja. Þannig hafi staðan séð við Rússum.

Afskiptin í Sýrlandi komu mörgum á óvart

Afskipti Rússa af stríðinu í Sýrlandi hafi komið mörgum á óvart. Talið var að rússneski herinn hefði ekki burði til þess að starfa svo langt frá heimalandinu. Hins vegar hafi Rússar sýnt að hann gæti það. Að vísu með takmörkuðum hætti. Akkilesarhæll rússneska hersins væri flutningageta. Engu að síður hafi þetta vakið athygli og styrkt stöðu Rússlands í Miðausturlöndum og ljóst væri að engin lausn yrði á málum í Sýrlandi án samþykki stjórnvalda í Moskvu. Þannig hefði það verið lengi.

Þetta hafi enn aukið á aðdáunina heimafyrir á Vladimír Pútín, forseta Rússlands. Ljóst væri að rússnesk stjórnvöld væru reiðubúin að beita hervaldi í Sýrlandi án tillits til mannfalls sem væri eitthvað sem vestrænar ríkisstjórnir ættu miklu erfiðara með. Rússland hefði hins vegar enga burði til þess að verða arftaki Sovétríkjanna.

Þrátt fyrir það væri Rússlandi lýst í nýrri þjóðaröryggisstefnu bandarískra stjórnvalda sem helsta andstæðingi Bandaríkjanna ásamt Kína. Ráðamenn í Moskvu litu hins vegar í stuttu máli svo á að stefna Bandaríkjamanna væri að skáka Rússlandi, einangra landið, veikja það efnahagslega og ná hernaðarlegum yfirburðum gagnvart því og þá væri reynt að skapa óánægju á meðal Rússa með rússnesk stjórnvöld í því augnamiði að koma þeim frá völdum og kom í þeirra stað til valda aðila sér hliðholla.

Valdhafarnir virtust þannig raunverulega trúa því að setið væri um Rússland og áhrifasvæði þess. Hættan kæmi fyrst og fremst utan frá. Þannig töluðu þeir í eigin hópi. Þetta væri ekki bara áróður. „Þeir trúa þessu sjálfir.“

mbl.is

Bloggað um fréttina

Innlent »

Guðveig leiðir lista framsóknarmanna í Borgarbyggð

20:30 Guðveig Anna Eyglóardóttir leiðir lista Framsóknarflokksins í Borgarbyggð fyrir komandi sveitarstjórnarkosningar. Listinn var samþykktur á félagsfundi í gær. Meira »

Búum að því að eiga einstaka smiði

20:10 Magnús Karel Hannesson segir að Eyrarbakki eigi sér framtíð sem hann byggi á fortíðinni og að gamla götumyndin sé stór þáttur í því. „Nú þegar þjónusta við ferðamenn er að verða einn helsti atvinnuvegur þjóðarinnar, þá eru mikil verðmæti sem við eigum hér og eru fólgin í þessari gömlu byggð.“ Meira »

Leiðandi í mælingum framfara

19:43 „Þetta verkefni er bara byrjunin. Social Progress Imperative (SPI) hefur talað fyrir vísitölu félagslegra framfara (VFF) um allan heim. Ástæðan fyrir því er einföld – við erum þeirrar skoðunar að dugmikið fólk geti með góðu gagnasafni skipt sköpum fyrir samfélagið,“ sagði Michael Green, forstjóri stofnunarinnar SPI, á fundi sem haldinn var nýverið í Kópavogi. Meira »

Vann 330.000 kr. í lottó

19:37 Enginn var með allar aðaltölurnar réttar í lottóútdrætti kvöldsins og verður því aðalvinningurinn þrefaldur í næstu viku. Einn heppinn miðaeigandi var hins vegar með bónusvinninginn og hlýtur hann rúmlega 330.000 kr. í vinning. Meira »

Þessi dauðans óvissa

19:34 Þjóðin var slegin þegar fréttir bárust í byrjun mars um að Íslendingur væri mögulega fórnarlamb stríðsins í Sýrlandi. Nú um tveimur mánuðum síðar hefur enn ekki tekist að finna Hauk Hilmarsson, lífs eða liðinn. Meira »

Úthlutaði um 40 milljónum á hamfarasvæðum á Grænlandi

19:00 Landssöfnunin Vinátta í verki safnaði í fyrra um 40 milljónum króna í kjölfar náttúruhamfara á Vestur-Grænlandi. Nú er búið að ganga frá stofnun Sjálfseignarstofnunar sem útdeilir fénu í þágu barna og ungmenna á hamfarasvæðinu. Meira »

Með fjölda höggáverka á líkamanum

18:17 Karlmaður á sjötugsaldri sem lést í uppsveitum Árnessýslu í lok mars var með fjölda höggáverka víðs vegar um líkamann, að því er kom fram í bráðabirgðaniðurstöðu krufningar á líki mannsins. Meira »

100% stuðningur við Sigmund

18:30 Sigmundur Davíð Gunnlaugsson var í dag kjörinn formaður Miðflokksins með 100% atkvæða. Gunnar Bragi Sveinsson var kjörinn varaformaður Miðflokksins með 64% atkvæða. Birgir Þórarinsson hlaut 36% atkvæða. Meira »

Of mikið áreiti á samfélagsmiðlum

17:50 Of mikið magn af auglýsingum er á samfélagsmiðlum og fyrirtæki þurfa að vanda markaðssetninguna á þeim og forðast að birta sömu auglýsinguna of oft, samkvæmt rannsókn Arnars Más Friðrikssonar. Meira »

Sýknað af bótakröfu með hjálp Facebook

16:40 Hæstiréttur hefur sýknað Sjóvá-Almennar af bótakröfu manns sem vildi fá bætt tjón sem hann kvaðst hafa orðið fyrir í slysi á mótorhjóli sínu, en með því sneri Hæstiréttur dómi Héraðsdóms Reykjavíkur, sem taldi sannað að tryggingafélagið væri bótaskylt. Meira »

Sveitarfélögum fækki um tvö

16:34 Samgöngu- og sveitarstjórnarráðuneytið hefur staðfest sameiningar sveitarfélaga sem taka gildi 10. júní. Er þar annars vegar um að ræða sameiningu Sandgerðisbæjar og Sveitarfélagsins Garðs á Reykjanesi og hins vegar sameiningu Breiðdalshrepps og Fjarðabyggðar á Austurlandi. Meira »

Mikið um að vera á Barnamenningarhátíð

16:32 Barnamenningarhátíð stendur nú yfir og ljósmyndari mbl.is kíkti á það sem í boði var fyrir börnin í Reykjavík og Kópavogi.  Meira »

Aðstæður geta orðið varhugaverðar

16:16 Búast má við talsverðri úrkomu á Austurlandi með kvöldinu, rigningu eða slyddu á láglendi, en snjókomu til fjalla, að því er fram kemur á vef Veðurstofu Íslands. Meira »

Borgarlínu og Miklubraut í stokk strax

14:30 Efsta mál Samfylkingarinnar í Reykjavík fyrir borgarstjórnarkosningarnar sem fram fara þann 26. maí næstkomandi er að fá Borgarlínu og Miklubraut í stokk strax. Þetta kom fram í ræðu Dags B. Eggertssonar í Gamla bíói rétt í þessu þar sem hann kynnti helstu stefnumál flokksins. Meira »

Lögreglumaður fær tvær milljónir

13:44 Hæstiréttur Íslands hefur staðfest dóm Héraðsdóms Reykjavíkur um að íslenska ríkið greiði rannsóknarlögreglumanni á höfuðborgarsvæðinu rúmar tvær milljónir króna með vöxtum. Meira »

Umdeild notkun ópíóðalyfja

15:41 Reynir Arngrímsson, formaður Læknafélags Íslands, segir nauðsynlegt að fækka ópíóðalyfjum í umferð á Íslandi til að reyna að minnka ópíóðafíknivandann. Hann segir lyfin gegna mikilvægu hlutverki ef þau eru rétt notuð, t.d. eftir skurðaðgerðir, við krabbameini og í líknarmeðferð, en telur notkun slíkra lyfja við stoðkerfisverkjum umdeilda. Meira »

Hefur valdheimildir gagnvart eftirlitsstjórnvöldum

13:46 Fram kemur meðal annars í minnisblaði sem Ólafur Jóhannes Einarsson, lögmaður og fyrrverandi framkvæmdastjóri hjá Eftirlitsstofnun EFTA (ESA) tók saman að beiðni atvinnuvegaráðuneytisins um svonefndan þriðja orkupakka Evrópusambandsins að hann haggi í engu heimildum íslenskra stjórnvalda til að banna framsal á eignarrétti að orkuauðlindum sem eru í opinberri eigu eins og þegar sé gert íslenskum lögum. Meira »

Óskaði eftir upplýsingum um varðhaldið

13:12 Sigríður Á. Andersen dómsmálaráðherra segir lög skýr um að enginn sitji í gæsluvarðhaldi án dómsúrskurðar. Hún var gestur Heimis Más Péturssonar í Víglínunni í dag, og ræddu þau m.a. um skýrslu GRECO, samtaka ríkja gegn spillingu, um Ísland og mál strokufangans Sindra Þórs Stefánssonar. Meira »
Til sölu Mazda MPV
Árg. 2005, ekinn 73.323 mílur bremsur þarfnast smá viðgerðar Tilboð Uppl. í sí...
NP Þjónustra bókhald
NP Þjónusta Tek að mér bókanir, reikningsfærslur o.f.l. Upplýsingar í síma 649-6...
EIGUM ALLSKONAR STIGA Á LAGER
Sjá fjölmargar gerðir á: http://www.sogem-sa.com/stairs Sími 615 1750 Sjá einni...
 
Eldri borgarar
Staður og stund
Aflagrandi 40 Opin vinnustofa kl. 9 og j...
Framhald
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Aðalfundur Landssambands sumarhúsa...
Tillaga að deiliskipulagi
Tilboð - útboð
Tillaga að nýju deiliskipulagi í...