Katrín Tanja Davíðsdótt­ir endaði í þriðja sæti á heims­leik­un­um í cross­fit og náði bestum árangri af þeim Íslendingum sem kepptu á mótinu. Hún segist stolt, glöð og þakklát eftir leikana en einnig hungruð í að verða enn betri, enda vinni hún að því að verða best. 

Frétt af mbl.is

Katrín Tanja í þriðja sæti

Katrín Tanja birti færslu á Instagram-síðu sinni í gær þar sem hún segist stolt af þeirri miklu vinnu og einbeitingu sem hún og hennar teymi lögðu í þjálfun fyrir keppnina á hverjum einasta degi. Með færslunni birtir hún myndir af sér ásamt þjálfara sínum, fjölskyldu og vandamönnum sem studdu hana á leikunum sjálfum og í aðdraganda þeirra. 

Hún segist glöð yfir að hún og hennar teymi hafi notið undirbúningsins eins mikið og þau hafi notið kastljóssins á heimsleikunum og að þau kveðji nú tímabilið með hjörtun full af ótrúlegum minningum. 

„Ég er þakklát fyrir að fá tækifæri til þess að gera það sem ég elska mest með fólkinu sem mér þykir vænst um í heiminum. Að ég fái að deila ferðalaginu með ykkur öllum og með því gefi ég öðrum innblástur til þess að verða betri útgáfa af sjálfum sér,“ skrifar Katrín Tanja. 

Þá segist hún vera hungruð í að verða betri. „Við vinnum að því að vera best og við viljum verða best,“ segir hún.

Hún segir að þau hafi mætt á leikana í ár eins góð og þau gátu orðið á þeirri stundu en að hún eigi mikið inni. Því segist hún spennt fyrir að takast á við meiri vinnu í átt að takmarkinu. 

Hún þakkar hún öllum sínum bakhjörlum, þjálfurum, fjölskyldu sinni og vinum fyrir stuðning og hvatningu. 

Hér má sjá færslu Katrínar Tönju í heild

Tengdar fréttir

Crossfit

Bergrós fimmta besta í heimi

• Staðfesta nafn látins Crossfit-keppanda
• Íslenskar crossfit-stjörnur minnast hins látna
• Fannst látinn á heimsleikunum
• Telja keppanda hafa drukknað á heimsleikunum

» Fleiri tengdar fréttir

• Blogga um frétt